Kiran Rao – Aamir Khan | బాలీవుడ్ మిస్టర్ ఫర్పెక్ట్ అమీర్ ఖాన్, స్టార్ దర్శకురాలు కిరణ్ రావు గతేడాది విడిపోయిన సంగతి తెలిసిందే. వ్యక్తిగత కారణాల వలన విడిపోయిన ప్రస్తుతం ఒకే ఇంట్లో కలిసి నివాసం ఉంటున్నారు. సినిమాల విషయానికి వస్తే.. అమీర్ ఖాన్ ప్రస్తుతం సితారే జమీన్ పర్ అనే సినిమా చేస్తుండగా.. కిరణ్ రావు ఇటీవల లాపతా లేడిస్ అనే సినిమాతో బ్లాక్ బస్టర్ అందుకుంది. అయితే అమీర్తో విడిపోయిన తర్వాత కూడా తాను కుంగిపోలేదని, సంతోషంగా ఉన్నానని కిరణ్ రావు తెలిపారు.
సంబంధాలను ఎప్పటికప్పుడు పునర్నిర్వచించాల్సిన అవసరం ఉందని నేను భావిస్తున్నాను. ఎందుకంటే మనం పెరిగేకొద్దీ మనుషులుగా మారాతం. మనకు ఎప్పుడు భిన్నమైన విషయాలు కావాలి అనిపిస్తుంటుంది. సుమారు 16 ఏళ్ళుగా కలిసి ఉన్న ఒక వ్యక్తితో తాను విడిపోవాలి అనుకున్నప్పుడు ఎమోషనల్గా మానసికంగా తట్టుకుని నిలబడ్డాను. విడాకుల విషయం నన్ను సంతోషపరుస్తుందని నేను భావించాను. అనుకున్నట్లుగానే ఇప్పుడు నేను బాగున్నాను.
అమీర్ ఖాన్తో రిలేషన్కు ముందు నేను చాలా కాలం పాటు ఒంటరిగా ఉన్నాను. అప్పుడు నేను ఇండిపెండెంట్గా ఉండడం చాలా నచ్చింది. కానీ.. ఇప్పుడు నాకు ఆజాద్ (ఆమె కొడుకు) ఉన్నాడు, కాబట్టి నేను ఒంటరిగా ఉండను. చాలా మంది వ్యక్తులు విడాకులు తీసుకున్నప్పుడు లేదా భాగస్వామిని పోగొట్టుకున్నప్పుడు మానసికంగా, ఎమోషనల్గా వీక్ అయిపోతారు. కానీ నేను అలా కాలేదు. నాకు రెండు ఫ్యామిలీల నుంచి ఫుల్ సపోర్ట్ ఉంది. నా లైఫ్ను కొత్తగా మళ్లీ చూస్తున్నా. అందుకే విడాకుల అనంతరం కూడా నేను హ్యాపిగా ఉన్నానని చెబుతాను అంటూ కిరణ్ రావు చెప్పుకోచ్చింది.
Also Read..