వెండితెరపై రాణించాలంటే హీరోయిన్లకు అందంతోపాటు చక్కని ఆహార్యం కూడా ఉండాల్సిందే! అందుకోసం జీరో సైజ్ మెయింటైన్ చేయాల్సిందే! రకరకాల డైట్లు ఫాలో కావాల్సిందే! అయితే.. ఒక్కొక్కరూ ఒక్కో రకమైన డైట్ పాటిస్తారు. వ్యాయామాలు కూడా భిన్నంగా ఎంచుకుంటారు. సినిమాల్లో పాత్రలకు తగినట్లు.. ఒక్కోసారి బరువు పెరగాలి. తగ్గాలి. ఇది నటీమణులకు పెద్ద సవాలే! బరువు పెరగడం తేలికైనా.. తగ్గడం మాత్రం చాలాకష్టం. తాజాగా బాలీవుడ్ బ్యూటీ కియారా అద్వానీ.. తన డైట్ సీక్రెట్ను రివీల్ చేసింది. తను ఎంత త్వరగా బరువు పెరగగలనో.. అంతే త్వరగా తగ్గగలనని చెప్పుకొచ్చింది. తనకు బరువు పెరగడం, తగ్గడం రెండూ సులభమేనని అంటున్నది కియారా.
‘నాకు డ్యాన్స్, స్విమ్మింగ్ అంటే ఇష్టం. స్కూల్ డేస్లో ఎప్పుడో ఓసారి డ్యాన్స్, స్విమ్మింగ్ చేసేదాన్ని. కానీ, సినిమాల్లోకి వచ్చాక.. ఈ రెండిటినీ నా దినచర్యలో భాగంగా చేసుకున్నా. డ్యాన్స్, స్విమ్మింగ్తోపాటు వ్యాయామం కూడా నా ఫిట్నెస్లో భాగమే. ఏది చేసినా ఇష్టంగా చేస్తే సరదాగా ఉండటంతోపాటు మంచి ఫలితం కూడా ఉంటుంది. ఎంత నచ్చిన ఆహారమైనా అతిగా తినడం లేదా పూర్తిగా ఉపవాసం ఉండటం నాకు అలవాటు లేదు. మసాలాలు తక్కువగా ఉండే ఇంటి భోజనానికే నా ఓటు’ అంటూ తన ఫిట్నెస్ సీక్రెట్ను పంచుకున్నదీ లేడీ గేమ్ చేంజర్!