Kiara Advani | భర్త మనసు గెలుచుకోడానికి ఓ మార్గం ఉంది. అర్జెంటుగా అత్తమ్మ అభిమానాన్ని సంపాదించడం. తన తల్లి విషయంలో అంత శ్రద్ధ కనబరిచే భార్యను ఏ భర్త అయినా మెచ్చుకోకుండా ఉంటాడా? కియారా అద్వానీ ఇదే చిట్కా ప్రయోగించింది. అలా అని తనేం అత్తగారికి రవ్వల నెక్లెసో, కంచిపట్టు చీరో కానుకగా ఇవ్వలేదు. జస్ట్.. పానీపూరీ తినిపించింది. కియారాకు గత ఫిబ్రవరిలో పెండ్లయిన సంగతి తెలిసిందే.
భర్త సిద్ధార్థ్ మల్హోత్రా. అత్తగారి అభిరుచి తెలిసిన కియారా.. తమ పెండ్లిలో పట్టుబట్టి మరీ పానీపూరీ స్టాల్ ఏర్పాటు చేయించింది. దీంతో నూటికి యాభై మార్కులు పడిపోయాయి. పెండ్లి తర్వాత తొలిసారిగా అత్తగారు ఇంటికి వచ్చినప్పుడు.. స్నాక్స్లో పానీపూరీ ఉండేలా జాగ్రత్తపడింది. ఇంకేముంది, మరో యాభై మార్కులు పడ్డాయి. త్వరలోనే కియారా ‘అత్తగారిని బుట్టలో వేసుకోవడం ఎలా?’ అనే పుస్తకం రాస్తుందేమో!