Kannappa Movie | టాలీవుడ్ నటుడు మంచు విష్ణు (Manchu Vishnu) ప్రధాన పాత్రలో వస్తున్న తాజా చిత్రం ‘కన్నప్ప’ (Kannappa). మోహన్ బాబు నిర్మాణంలో వస్తున్న ఈ చిత్రానికి మహాభారతం సీరియల్ ఫేమ్ ముఖేష్కుమార్ సింగ్ (Mukesh Kumar Singh) దర్శకత్వం వహిస్తున్నాడు. ప్రస్తుతం ఈ సినిమా షూటింగ్ శరవేగంగా జరుపుకుంటున్న విషయం తెలిసిందే. అత్యంత భారీ బడ్జెట్తో పాన్ ఇండియా స్థాయిలో ఈ చిత్రం రూపొందుతోంది. ఇప్పటికే మూవీ నుంచి ఫస్ట్ లుక్తో పాటు టీజర్ విడుదల చేయగా హాలీవుడ్ లెవల్లో ఉన్న ఈ టీజర్ ప్రేక్షకులను ఆకట్టుకుంటుంది. అయితే ఈ సినిమా నుంచి మరో క్రేజీ అప్డేట్ను పంచుకున్నారు మేకర్స్.
ఈ సినిమాలో తమిళ నటుడు శరత్ కుమార్ కీలక పాత్రలో నటిస్తున్న విషయం తెలిసిందే. తాజాగా శరత్ కుమార్ పాత్రకు సంబంధించిన ఫస్ట్ లుక్ను మేకర్స్ విడుదల చేశారు. ఈ సినిమాలో శరత్ కుమార్ నాథనాధుడు అనే కోయ దొర పాత్రలో కనిపించబోతున్నట్లు ప్రకటించారు. ఈ కోయలు పాండవ రాజు భీమసేనుడు – హిడింబి వారసులు. వీళ్ల నాయకుడు నాథనాధుడు అంటూ తెలిపారు. వీరి ఆయుధాలు విల్లు మరియు బాణాలు అంటూ రాసుకోచ్చారు.
Embark on the ‘#Kannappa‘ adventure with @realsarathkumar as ‘𝐍𝐚𝐭𝐡𝐚𝐧𝐚𝐝𝐡𝐮𝐝𝐮’, leading the descendants of ‘𝙱𝚑𝚒𝚖𝚊 𝚂𝚎𝚗𝚊’ and ‘𝙷𝚒𝚍𝚒𝚖𝚋𝚒’, celebrated for their expertise in bow and arrows🏹🕉️#SarathKumar #Nathanadhudu #RaghuBabu #KannappaMovie… pic.twitter.com/vIae9Lmazo
— Kannappa The Movie (@kannappamovie) July 22, 2024
ఈ చిత్రంలో బాలీవుడ్ యాక్టర్ అక్షయ్కుమార్ కన్నప్పలో శివుడిగా కనిపించబోతున్నాడు. గ్లోబల్ స్టార్ ప్రభాస్, కలెక్షన్ కింగ్ మోహన్బాబు, మోహన్ లాల్, నయనతార, మధుబాల, శివరాజ్కుమార్ తదితరులు కీలక పాత్రలు పోషిస్తున్నారు. ఈ మూవీకి మెలోడీ బ్రహ్మ మణిశర్మ, స్టీఫెన్ దేవసి మ్యూజిక్, బ్యాక్ గ్రౌండ్ స్కోర్ సమకూరుస్తున్నారు. 24 ఫ్రేమ్స్ ఫ్యాక్టరీ, Ava Entertainment బ్యానర్లపై భారీ బడ్జెట్తో తెరకెక్కుతున్న ఈ చిత్రానికి పరుచూరి గోపాలకృష్ణ, బుర్రా సాయిమాధవ్, తోట ప్రసాద్ స్క్రీన్ప్లే అందిస్తున్నారు.
Also Read..
BSNL 4G | కొత్తగా వెయ్యి 4జీ టవర్లను ఇన్స్టాల్ చేసిన బీఎస్ఎన్ఎల్..!
Girl murder | హుడీపై మూడు పదాలు.. హత్య కేసును ఛేదించిన పోలీసులు..!
Kanguva | సూర్య బర్త్ డే స్పెషల్.. ‘కంగువ’ ఫస్ట్ సింగిల్ రిలీజ్ డేట్ ఫిక్స్