ఎన్టీఆర్ ‘దేవర’ చిత్రం ముందస్తుగా ప్రకటించినట్లు అక్టోబర్ 10వ తేదీన కాకుండా రెండు వారాల ముందుగా సెప్టెంబర్ 27న ప్రపంచవ్యాప్తంగా ప్రేక్షకుల ముందుకురానుంది. ఈ విషయాన్ని మేకర్స్ అధికారికంగా ప్రకటించారు. కొరటాల శివ దర్శకత్వంలో అత్యుత్తమ సాంకేతిక హంగులతో హై ఓల్టేజ్ యాక్షన్ ఎంటర్టైనర్గా ఈ చిత్రాన్ని తెరకెక్కిస్తున్నారు. జాన్వీకపూర్ కథానాయికగా నటిస్తున్న ఈ సినిమాలో సైఫ్అలీఖాన్ కీలక పాత్రను పోషిస్తున్నారు. ప్రస్తుతం చిత్రీకరణ జరుగుతున్నది.
రెండు భాగాలుగా ఈ సినిమాను రూపొందిస్తుండగా.. తొలిభాగం సెప్టెంబర్ 27న విడుదలకానుంది. ఇప్పటికే విడుదల చేసిన గ్లింప్స్, ప్రచార చిత్రాలకు అద్భుతమైన స్పందన లభించిందని, ఎన్టీఆర్ మునుపెన్నడూ చూడని శక్తివంతమైన పాత్రలో కనిపిస్తారని చిత్ర బృందం పేర్కొంది. ప్రకాష్రాజ్, శ్రీకాంత్, షైన్ టామ్ చాకో, నరైన్ కీలక పాత్రల్లో నటిస్తున్న ఈ చిత్రానికి సినిమాటోగ్రఫీ: ఆర్.రత్నవేలు, ప్రొడక్షన్ డిజైనర్: సాబుసిరిల్, నిర్మాతలు: మిక్కిలినేని సుధాకర్, హరికృష్ణ.కె, దర్శకత్వం: కొరటాల శివ.