Devara | ప్రేక్షకులు ఎప్పుడెప్పుడా అని ఆసక్తితో ఎదురుచూస్తున్న సినిమా ‘దేవర1’. కొరటాల శివ రెండు భాగాలుగా తెరకెక్కిస్తున్న ఈ ఫ్రాంచైజీని సుధాకర్ మిక్కిలినేని, కొసరాజు హరికృష్ణలతో కలిసి నందమూరి కల్యాణ్రామ్ నిర్మిస్తున్నారు. ప్రస్తుతం తొలి పార్ట్ షూటింగ్ దాదాపుగా ఆఖరి దశకు చేరుకుంది. ఇదిలావుంటే.. ఈ సినిమాపై అద్భుతమైన అప్డేట్ రివీలైంది.
‘దేవర’ కాన్సెప్ట్పై ఇప్పటికే రకరకాల కథనాలు ప్రచారంలో ఉన్నాయి. వాటన్నింటికీ తెరదింపుతూ ఈ చిత్రానికి సంగీత దర్శకత్వం వహిస్తున్న అనిరుథ్ ‘దేవర’ కథా నేపథ్యాన్ని రివీల్ చేసేశాడు. ప్రస్తుతం ఆయన ‘దేవర’ రీ-రికార్డింగ్ పనిలో ఉన్నారు. అనుకోకుండా తనిచ్చిన ఓ ప్రైవేటు ఇంటర్వ్యూలో అనిరుధ్ మాట్లాడుతూ ‘ ‘దేవర’ అద్భుతమైన సినిమా. సరికొత్త స్క్రీన్ప్లేతో దర్శకుడు కొరటాల శివ ఈ సినిమాను తెరకెక్కిస్తున్నారు. ఇది ఒక సముద్ర ప్రాంతానికి చెందిన గిరిజనుల నేపథ్యంలో సాగే కథ. సినేరియా కొత్తగా ఉంటుంది’ అంటూ తెలిపారు అనిరుధ్.