Jawaan Movie | ప్రస్తుతం హిందీ ప్రేక్షకులు జపిస్తున్న మంత్రం జవాన్. షారుఖ్ హీరోగా అట్లి దర్శకత్వంలో రూపొందిన ఈ సినిమా సెప్టెంబర్ 7న రిలీజ్ కాబోతుంది. ఇప్పటికే రిలీజైన పోస్టర్లు, గ్లింప్స్ గట్రా హిందీ నాట సంచలనమే సృష్టించాయి. అప్పుడే హిందీ వర్గాల్లో షారుఖ్కు ఈ సినిమా మరో వెయ్యి కోట్ల బొమ్మ అవుతుందని లెక్కలు కూడా వేస్తున్నారు. ఇంకా ట్రైలర్ కూడా రిలీజ్ కాలేదు. అప్పుడే నాన్-థియేట్రికల్ హక్కుల రూపంలో అక్షరాల రూ.250 కోట్లు నిర్మాత అకౌంట్లోకి వచ్చి చేరాయన్నది టాక్. ఈ సినిమా బడ్జెట్ మహా అయితే రెండొందల కోట్లు దాటుంటుంది. ఈ లెక్కన చూసుకుంటే థియేట్రికల్ బిజినెస్కు ముందే రూ.50 కోట్లు లాభాల్లో ఈ సినిమా ఉంది.
అట్లీ దర్శకుడు కావడంతో ఈ సినిమా క్రేజ్ ఉత్తరాదినే కాదు.. దక్షిణాదిన కూడా ఓ రేంజ్లో ఉంది. తమిళంలో ఈ సినిమా హక్కుల కోసం పెద్ద ఎత్తన డిమాండ్ ఏర్పడుతుందట. ఓ భారీ సంస్థ ఫ్యాన్సీ రేటుకు ఈ సినిమా రైట్స్ను దక్కించుకుంచన్నట్లు తెలుస్తుంది. ఇక తమిళం తర్వాత జవాన్పై క్రేజ్ ఉంది తెలుగు రాష్ట్రాల్లోనే. నిజానికి షారుఖ్ ఖాన్కు దక్షిణాది రాష్ట్రాల్లో కాస్తో కూస్తో చెప్పుకోదగ్గ మార్కెట్ ఉందంటే అది ఇక్కడే. మన హీరోల సినిమాలు రిలీజయితే ఎలాంటి హడావిడి చేస్తారో.. షారుఖ్ సినిమాకు కూడా అదే స్థాయిలో ఇక్కడ హడావిడి ఉంటుంది. ఇక తాజాగా ఈ సినిమా తెలుగు హక్కులకు సంబంధించిన ఓ వార్త నెట్టింట తెగ వైరల్ అవుతుంది.
ఈ సినిమా తెలుగు హక్కులను దిల్రాజు దక్కించుకున్నట్లు తెలుస్తుంది. అట్లీ సినిమాలన్నిటినీ దాదాపుగా ఇక్కడ దిల్రాజే రిలీజ్ చేశాడు. ఇక ఇప్పుడు జవాన్ సినిమాను కూడా దిల్రాజు విడుదల చేయనున్నాడు. ఇక దిల్రాజు చేతిలో పడితే ఎలాంటి సినిమా అయినా సరే కోట్లు కొల్లగొడుతుంది అనే థియరీ టాలీవుడ్లో ఉంది. ఆయన ప్రమోషన్ల ప్లానింగ్, బిజినెస్ స్ట్రాటజీ మరెవరికీ సాధ్యం కాదు. చిన్న సినిమాలను సైతం తన ప్రమోషన్లతో పెద్ద బ్లాక్బస్టర్లు అయ్యేలా చేస్తాడు. ఇక జవాన్ సినిమా తెలుగు రిలీజ్ను పెద్ద ఎత్తులో ప్లాన్ చేస్తున్నాడట దిల్రాజు.