Rocky aur Rani ki prem kahani Movie | కరణ్ జోహర్ ఇండస్ట్రీలో పాతిక సంవత్సరాలు పూర్తి చేసుకున్న సందర్భంగా చాలా ఏళ్ల తర్వాత రాకీ ఔర్ రాణీ కీ ప్రేమ్ కహాని సినిమాతో మళ్లీ మెగా ఫోన్ పట్టాడు. ఇప్పటికే రిలీజైన టీజర్, ట్రైలర్లు సినిమాపై తిరుగులేని అంచనాలు నెలకొల్పాయి. పైగా అవుట్ అండ్ అవుట్ ఫ్యామిలీ ఎంటర్టైనర్గా తెరకెక్కినట్లు ట్రైలర్ చూస్తే స్పష్టం అయింది. రణ్వీర్ సింగ్, ఆలియా భట్ ప్రధాన పాత్రల్లో నటించిన ఈ సినిమా మరో మూడు వారాల్లో ప్రేక్షకులు ముందుకు రానుంది. ఇక ఇదిలా ఉంటే తాజాగా ఈ సినిమా తెలుగులో బంపర్ హిట్టయిన ఓ సినిమా కథను బేస్ చేసుకుని తెరకెక్కినట్లు హిందీ మీడియా వర్గాల సమాచారం.
పదిహేడేళ్ల క్రితం తెలుగులో వచ్చిన బొమ్మరిల్లు సినిమా కథను బేస్ చేసుకుని ఈ సినిమా తెరకెక్కిందని తెలుస్తుంది. జెనీలియాను ఎందుకు ఇష్టపడుతున్నానో నిరూపించడానికి సిద్ధార్థ్ వారం రోజుల పాటు ఆమెను తమతో పాటు ఇంట్లో ఉండేలా ఫ్యామిలీతో ఒప్పందం కుదుర్చుకుంటాడు. వారం రోజుల తర్వాత ఇంట్లో వాళ్లందరికీ జెనిలియా నచ్చుతుంది. ఆ తర్వాత సిద్దార్థ సెలక్షన్ సరైనదేనని ప్రకాష్ రాజ్ నమ్ముతాడు. ఇక రాకీ ఔర్ రాణీకి ప్రేమ్ కహాని కథ కూడా ఇంచు మించు అలానే ఉంది. వీళ్ల పెళ్లి జరగాలంటే మూడు నెలల పాటు తమ కుటుంబాలను మార్చుకోవాలని వీరిద్దరూ నిర్ణయించుకుంటారు. ఈ క్రమంలో ఆలియా ఇంటికి రణ్వీర్ సింగ్, రణ్వీర్ ఇంటికి ఆలియా వెళ్తుంది. మరి చివరికి వీళ్ల పెళ్లిని పెద్దలు అంగీకరించారా అన్న నేపథ్యంలో సినిమా తెరకెక్కింది.
మొత్తం స్టోరీ అచ్చం అలాగే ఉంటుందని చెప్పలేం కానీ మెయిన్ లైన్ అయితే దగ్గరగా కలుస్తోంది. హిందీ పండితులు సైతం ఇది ఆ సినిమా మూల కథను తీసుకున్నారని అంటున్నారు. ఇక బొమ్మరిల్లు చివర్లో జెనీలియా లాగానే సిద్ధార్థ కూడా కోట శ్రీనివాస్ దగ్గర వారం రోజులు ఉంటాడు. ఇదే సినిమాను తమిళంలో జయం రవి చేయగా అక్కడ కూడా బంపర్ హిట్టయింది.