కెరీర్ తొలినాళ్లలో తెలుగు అగ్ర కథానాయికల్లో ఒకరిగా పేరు తెచ్చుకుంది పంజాబీ భామ రకుల్ప్రీత్సింగ్. గత కొంతకాలంగా తెలుగు ఇండస్ట్రీకి దూరంగా ఉంటున్న ఆమె ప్రస్తుతం బాలీవుడ్లో రాణించేందుకు ప్రయత్నాలు చేస్తున్నది. కమల్హాసన్ కథానాయకుడిగా శంకర్ దర్శకత్వంలో తెరకెక్కిస్తున్న ‘భారతీయుడు-2’ చిత్రంలో రకుల్ప్రీత్సింగ్ కీలక పాత్రలో నటిస్తున్న విషయం తెలిసిందే. ఈ సినిమా తన కెరీర్లో ఎంతో ప్రత్యేకమని.. కమల్హాసన్, శంకర్ వంటి లెజెండ్స్తో పనిచేయడం మరచిపోలేని అనుభూతినిచ్చిందని రకుల్ప్రీత్సింగ్ పేర్కొంది. ఆమె మాట్లాడుతూ ‘ఈ సినిమాలో నా పాత్ర రియల్లైఫ్కు దగ్గరగా ఉంటుంది. ఆత్మవిశ్వాసంతో జీవితాన్ని గడిపే ఆధునిక మహిళగా నా పాత్ర శక్తివంతంగా సాగుతుంది. ఇప్పటివరకు ఇలాంటి పాత్ర చేయలేదు. సినిమా విడుదల కోసం ఆతృతగా ఎదురుచూస్తున్నా’ అని చెప్పింది. ‘భారతీయుడు-2’ చిత్రం జూలై 12న ప్రేక్షకుల ముందుకురానుంది.