Ramayana | యానిమల్ వంటి బ్లాక్ బస్టర్ తర్వాత బాలీవుడ్ హీరో రణబీర్ కపూర్ నటిస్తున్న క్రేజీ ప్రాజెక్ట్ రామాయణం. భారతీయ ఇతిహాసం ఆధారంగా రానున్న ఈ సినిమాకు దంగల్ ఫేమ్ నితేష్ తివారీ దర్శకత్వం వహిస్తుండగా.. రణబీర్ కపూర్ రాముడిగా, సాయి పల్లవి సీతగా, శాండల్వుడ్ స్టార్ యష్ రావణుడిగా నటించనున్నట్లు తెలుస్తుంది. ఇప్పటికే ఈ ప్రాజెక్ట్ సంబంధించి ప్రీ ప్రోడక్షన్ పనులు జరుపుకుంటున్నట్లు సమాచారం. ఇదిలావుంటే తాజాగా ఈ ప్రాజెక్ట్ సంబంధించి ఒక సాలిడ్ అప్డేట్ సోషల్ మీడియాలో వైరల్ అవుతుంది.
ఈ సినిమా కోసం స్టార్ హీరో యష్ రికార్డు స్థాయిలో రెమ్యునరేషన్ అందుకోబోతున్నట్లు తెలుస్తుంది. తాజా సమాచారం ప్రకారం. ఈ సినిమాకు యశ్ ఏకంగా రూ. 200 కోట్ల పారితోషికం తీసుకుంటున్నాడని తెలుస్తుంది. దీనికి చిత్రబృందం కూడా ఒకే చెప్పినట్లు టాక్. అయితే ఈ సినిమాకు తీసుకోబోతున్న రెమ్యునరేషన్తో యశ్ బాలీవుడ్లోనే అత్యధిక పారితోషికం అందుకున్న హీరోగా రికార్డులకెక్కబోతున్నాడు. అంతకుముందు పఠాన్ సినిమాకు షారుక్ రూ.120 కోట్ల రెమ్యునరేషన్ అందుకున్నాడు.