తెలుగు, తమిళం, మలయాళ భాషల్లో సినిమాలు చేస్తూ బిజీగా ఉంది సాయిపల్లవి (Sai Pallavi). ఈ టాలెంటెడ్ హీరోయిన్ ప్రస్తుతం లీడ్ రోల్లో నటిస్తున్న చిత్రం గార్గి (Gargi). రిచీ ఫేం గౌతమ్ రామచంద్రన్ (Gautham Ramachandran) ఈ చిత్రాన్ని డైరెక్ట్ చేస్తున్నాడు. ఈ సినిమాతో కన్నడ ప్రేక్షకులకు కూడా దగ్గర కానుంది. జులై 15న ప్రేక్షకుల ముందుకు రాబోతుంది. ఈ సందర్భంగా మేకర్స్ స్నీక్ పీక్ వీడియో (Gargi Sneak Peek) ఒకటి రిలీజ్ చేశారు.
సాయిపల్లవి అర్థరాత్రి స్టేషన్కు వెళ్లి మా నాన్న ఎక్కడున్నాడు సార్..ఎందుకు.. ఎవరూ ఏం చెప్పట్లేదు ? అని అడుగుతున్న సంభాషణలతో మొదలైంది వీడియో. ఇంతకీ గార్గి తండ్రి ఏం చేశాడనేది సస్పెన్స్ లో పెట్టాడు డైరెక్టర్. ఈ వీడియో సినిమాపై క్యూరియాసిటీని పెంచుతోంది. సాయిపల్లవి ఈ చిత్రం కోసం కన్నడలో తన పాత్రకు తానే డబ్బింగ్ చెప్పుకోవడం విశేషం.
ఫీ మేల్ సెంట్రిక్ స్టోరీతో వస్తున్న ఈ చిత్రాన్ని సూర్య-జ్యోతిక సమర్పిస్తున్నారు. కాళి వెంకట్, ఐశ్వర్యా లక్ష్మి కీలక పాత్రల్లో నటించారు. రవిచంద్రన్ రామచంద్రన్, ఐశ్వర్యా లక్ష్మి, థామస్ జార్జ్, గౌతమ్ రామచంద్రన్ సంయుక్తంగా నిర్మిస్తున్నారు. 96 ఫేం గోవింద్ వసంత ఈ చిత్రానికి మ్యూజిక్ డైరెక్టర్..కాగా తెలుగు, తమిళ, కన్నడ భాషల్లో విడుదల కానుంది.