Game Changer | రామ్చరణ్ కథానాయకుడిగా శంకర్ దర్శకత్వంలో తెరకెక్కిస్తున్న పొలిటికల్ యాక్షన్ డ్రామా ‘గేమ్ ఛేంజర్’. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్నారు. కియారా అద్వాణీ కథానాయిక. ప్రస్తుతం తుదిదశ చిత్రీకరణలో ఉంది. ఈ సినిమాను అక్టోబర్లో ప్రేక్షకుల ముందుకు తీసుకొచ్చేందుకు సన్నాహాలు జరుగుతున్నాయి. రిలీజ్ డేట్ అనౌన్స్మెంట్ కోసం అభిమానులు ఆసక్తిగా ఎదురుచూస్తున్నారు. తాజా సమాచారం ప్రకారం దసరా కానుకగా అక్టోబర్ 10న ప్రేక్షకుల ముందుకు తీసుకురాబోతున్నారని తెలిసింది. అయితే అదే తేదీకి ఎన్టీఆర్ ‘దేవర’ విడుదల కానుంది. విశ్వసనీయ సమాచారం ప్రకారం ‘దేవర’ చిత్రాన్ని ఇంకాస్త ముందుగానే రిలీజ్ చేయబోతున్నారని సమాచారం.
సెప్టెంబర్ చివరి వారంలో ‘దేవర’ విడుదల ఉంటుందని చెబుతున్నారు. అయితే ఇవన్నీ కేవలం ఊహాగానాలేనని, మేకర్స్ నుంచి అధికారిక ప్రకటన వస్తేనే రిలీజ్ డేట్స్పై స్పష్టత వస్తుందని అంటున్నారు. సమకాలీన రాజకీయాంశాలతో దర్శకుడు శంకర్ ‘గేమ్ ఛేంజర్’ చిత్రాన్ని తెరకెక్కిస్తున్నారు. కియారా అద్వాణీ, అంజలి, సముద్రఖని, ఎస్.జె.సూర్య, శ్రీకాంత్, సునీల్, నవీన్చంద్ర తదితరులు నటిస్తున్న ఈ చిత్రానికి సినిమాటోగ్రఫీ: ఎస్.తిరుణావుక్కరసు, సంగీతం: తమన్, సంభాషణలు: సాయిమాధవ్ బుర్రా, నిర్మాతలు: దిల్రాజు-శిరీష్, దర్శకత్వం: శంకర్.