War 2 | టాలీవుడ్తోపాటు బాలీవుడ్ ప్రేక్షకులు ఎక్జయిటింగ్గా ఎదురుచూస్తున్న సినిమాల్లో ఒకటి వార్ 2 (War 2). గ్లోబల్ స్టార్ హీరో జూనియర్ ఎన్టీఆర్ (Jr NTR), బాలీవుడ్ స్టార్ హీరో హృతిక్ రోషన్ (Hrithik Roshan) లీడ్ రోల్స్లో నటిస్తున్నారు. అయాన్ ముఖర్జీ డైరెక్ట్ చేస్తున్న ఈ మూవీ స్పై జోనర్లో తెరకెక్కుతోంది. తారక్ ఈ సినిమాతో బాలీవుడ్కు గ్రాండ్ ఎంట్రీ ఇస్తున్నాడని తెలిసిందే.
కాగా ఇటీవల ఓ ఇంటర్వ్యూలో ఫైట్ మాస్టర్ అనల్ అరసు ఈ సినిమాకు సంబంధించి ఆసక్తికర వార్తను అందరితో షేర్ చేసుకున్నాడు. క్లైమాక్స్లో తారక్, హృతిక్ రోషన్ మధ్య స్టన్నింగ్ ఫైట్ సీక్వెన్స్ ఉంటుందని, ఈ పార్టును తాను కొరియోగ్రఫీ చేశానని చెప్పాడు అనల్ అరసు. ఫైట్ మాస్టర్ తాజా అప్డేట్తో సినిమాపై అంచనాలు మరింత పెరిగిపోతున్నాయి.
మేకర్స్ ఇప్పటికే షేర్ చేసిన వార్ 2 గ్లింప్స్ నెట్టింట వైరల్ అవుతోంది. ఈ మూవీని 2025 ఆగస్టు 14న ప్రపంచవ్యాప్తంగా థియేటర్లలో గ్రాండ్గా విడుదల చేయనున్నట్టు ప్రకటించారు మేకర్స్. YRF Spy Universeలో ఏక్తా టైగర్, టైగర్ జిందా హై, వార్, పఠాన్, టైగర్ 3 సినిమాల తర్వాత వస్తున్న ఆరో ప్రాజెక్టు కావడం అంచనాలు భారీగానే ఉన్నాయి.
ఈ మూవీలో తన పాత్ర కోసం తారక్ ఇంటర్నేషనల్ ఫిట్నెస్ ఎక్స్పర్ట్తో రెండు వారాలపాటు ట్రైనింగ్ సెషన్లో పాల్గొన్నాడని ఇప్పటికే వార్తలు వచ్చాయి. వార్ 2లో తారక్ నెగెటివ్ షేడ్స్తో సాగే స్పై రోల్లో కనిపించనున్నాడని బీటౌన్ సర్కిల్ టాక్.