Sarangadhariya | తెలుగు ప్రేక్షకులకు సుపరిచితుడు నటుడు రాజా రవీంద్ర (Raja Ravindra). ఈ టాలెంటెడ్ యాక్టర్ లీడ్ రోల్లో నటిస్తోన్న ప్రాజెక్ట్ ‘సారంగదరియా’ (Sarangadhariya). పద్మారావు అబ్బిశెట్టి (డెబ్యూ)దర్శకత్వం ఫ్యామిలీ ఎంటర్టైనర్గా వస్తోంది. ఇప్పటికే విడుదల చేసిన సారంగదరియా టీజర్కు మంచి స్పందన వస్తోంది. జులై 12న సినిమా విడుదల కానుంది. ప్రమోషన్స్లో భాగంగా తాజాగా మేకర్స్ సారంగదరియా ట్రైలర్ను లాంచ్ చేశారు.
సున్తీ చేయించుకొని వచ్చావా.. అంటూ సాగే డైలాగ్తో మొదలైంది ట్రైలర్. అయినా కులమంటే రక్తం కాదు సార్.. పుట్టుకతో రావడానికి.. మనం చేసే పనే కులం సార్..అనే డైలాగ్తోపాటు మందు, సిగరెట్లు, పేకాట, బెట్టింగ్స్.. వీటన్నింటి కంటే పెద్ద వ్యసనం ఫెయిల్యూర్.. అది మనకు తెలియకుండానే మనం రాజీపడి బ్రతికేలా చేసేస్తుంది. అది ఎంతవరకు అంటే.. నువ్వింతే ఇంతకు మించి నువ్వేం చేయలేవని డిసైడ్ చేసి నీకే బాసై కూర్చుంటుంది.. అంటూ రాజా రవీంద్ర చెప్తున్న సంభాషణలు అందరినీ ఆలోచింపజేసేలా సాగుతూ సినిమాపై ఆసక్తిని రేకెత్తిస్తున్నాయి.
సారంగదరియా ట్రైలర్..
ఈ చిత్రాన్ని సాయిజా క్రియేషన్స్ పతాకం పై ఉమాదేవి, శరత్ చంద్ర నిర్మిస్తున్నారు. సమాజంలో పరువుగా బతికితే చాలు అనుకునే ఓ వ్యక్తికి తన భార్య, ఇద్దరు కొడుకులు, కూతురు వల్ల ఎలాంటి ఇబ్బందులు వస్తాయి. వాటిని అధిగమించి ఆ తండ్రి ఏం చేశాడు.. తన కుటుంబాన్ని ఎలా కాపాడుకున్నాడనే నేపథ్యంలో సినిమా సాగనున్నట్టు ఇప్పటికే రిలీజైన టీజర్తో హింట్ ఇచ్చేశాడు డైరెక్టర్.
ఇప్పటికే ఈ మూవీ నుంచి లాంచ్ చేసిన అందుకోవా, నా కన్నులే అనే లిరికల్ సాంగ్స్కు మంచి స్పందన వస్తోంది. ఈ చిత్రంలో శ్రీకాంత్ అయ్యంగార్,శివ చందు, యశస్విని,మొయిన్ ,మోహిత్,నీల ప్రియా, కదంబరి కిరణ్, మాణిక్ రెడ్డి, అనంతబాబు , విజయమ్మ , హర్షవర్ధన్ ఇతర కీలక పాత్రల్లో నటిస్తున్నారు.
సారంగదరియా టీజర్..
Disha Patani | దిశా పటానీ టాటూ మిస్టరీ వీడింది.. ఇంతకీ ఏంటో తెలుసా..?