రామ్ పోతినేని కథానాయకుడిగా పూరి జగన్నాథ్ దర్శకత్వంలో రూపొందిస్తున్న తాజా చిత్రం ‘డబుల్ ఇస్మార్ట్’. తెలుగు, హిందీ, తమిళం, మలయాళం, కన్నడ భాషల్లో ఆగస్ట్ 15న విడుదలకానుంది. ప్రైమ్షో ఎంటర్టైన్మెంట్ పతాకంపై నిరంజన్ రెడ్డి, చైతన్య రెడ్డి ఈ చిత్రాన్ని ప్రపంచవ్యాప్తంగా విడుదల చేస్తున్నారు. ఈ చిత్రంలో బాలీవుడ్ అగ్ర నటుడు సంజయ్దత్ కీలక పాత్రను పోషిస్తున్నారు. ఈ సినిమాలో ఆయన ఫుల్లెంగ్త్ రోల్ని పోషిస్తున్నారని, హిందీ వెర్షన్కు ఆయన డబ్బింగ్ను కూడా పూర్తి చేశారని చిత్రబృందం పేర్కొంది. ఈ సందర్భంగా బుధవారం కొత్త పోస్టర్ను విడుదల చేశారు. కావ్య థాపర్, అలీ, గెటప్ శ్రీను తదితరులు నటిస్తున్న ఈ చిత్రానికి సినిమాటోగ్రఫీ: శ్యామ్ కె నాయుడు, జియాని జియాన్నెలి, సంగీతం: మణిశర్మ, నిర్మాతలు: పూరి జగన్నాథ్, ఛార్మికౌర్, రచన-దర్శకత్వం: పూరి జగన్నాథ్.