Director Maruthi | దర్శకుడు మారుతి సమర్పకుడిగా వ్యవహరిస్తున్న జామ్ జంక్షన్ మ్యూజికల్ బ్యాండ్ ఈవెంట్ కర్టెన్ రైజర్ కార్యక్రమం మంగళవారం హైదరాబాద్లో జరిగింది. ఈ కార్యక్రమంలో సంగీత దర్శకుడు తమన్, నిర్మాత ఎస్కేఎన్ పాల్గొన్నారు. ఈ సందర్భంగా మారుతి మాట్లాడుతూ ‘జామ్ జంక్షన్ ఈవెంట్లో ఎవరైతే బాగా ఇంప్రెస్ చేస్తారో వారికి నగదు బహుమతితో పాటు మా సినిమాల్లో మ్యూజిక్ చేసే అవకాశం కల్పిస్తాం.
ఔత్సాహిక సంగీతకారులను ప్రోత్సహించడానికి ఈ వేడుకను నిర్వహిస్తున్నాం’ అన్నారు. తమన్ మాట్లాడుతూ ‘నేను బ్యాండ్ ప్రోగ్రామ్స్ ద్వారానే వచ్చాను. వాటి తాలూకు ఎమోషన్స్ నాకు తెలుసు. బ్యాండ్ ద్వారా ఎన్నో కొత్త విషయాలను నేర్చుకున్నా. ఇప్పుడు హైదరాబాద్ మ్యూజికల్ సిటీగా మారింది. ఇక్కడి నుంచి ప్రతిభావంతులైన మ్యూజీషియన్స్ వస్తున్నారు. జామ్ జంక్షన్లో భాగం కావడం చాలా ఆనందంగా ఉంది. దర్శకుడు మారుతి ఈ ప్రోగ్రాంను ఎంకరేజ్ చేయడం అభినందనీయం’ అన్నారు.