‘క్రైమ్ కేసుని 70శాతం పరిష్కరించేది క్లూస్ టీమే. అలాంటి క్లూస్టీమ్ గురించి ఇప్పటివరకూ ఏ సినిమాలోనూ చర్చించలేదు. అందుకే వాళ్ల గొప్పతనం సగటు ప్రేక్షకుడికి సైతం అర్థమవ్వాలనే ఈ కథ రాసుకున్నాను’ అని దర్శకుడు మహేశ్రెడ్డి అన్నారు. ఆయన దర్శకత్వంలో కార్తీక్ రాజు, సిమ్రాన్ చౌదరి, ఐరా ప్రధానపాత్రధారులుగా నటించిన చిత్రం ‘అథర్వ’. సుభాష్ నూతలపాటి నిర్మాత. డిసెంబర్ 1న విడుదల కానుంది. దర్శకుడు మహేశ్రెడ్డి విలేకరులతో మాట్లాడుతూ ‘మర్డర్, రాబరీ నేపథ్యంలో సాగే క్రైమ్ సస్పెన్స్ థ్రిల్లర్ ఇది. యథార్థ సంఘటనలు కూడా ఉంటాయి. సినిమా రియలిస్టిక్గా ఉంటుంది.
ద్వితీయార్థంలో ప్రతి పదినిమిషాలకు ఓ మలుపు ఉంటుంది. ప్రీైక్లెమాక్స్, ైక్లెమాక్స్ ఊహకందని విధంగా ఉంటాయి’ అని మహేశ్రెడ్డి చెప్పారు. ఇందులో కథానుగుణంగా పాత్రలన్నీ నడుస్తూవుంటాయని, నిర్మాతలు రాజీ పడకుండా సినిమాను నిర్మించారని, శ్రీచరణ్ పాకాల నేపథ్య సంగీతం సినిమాకు ప్రధాన బలమని ఆయన అన్నారు. ప్రేక్షకుడ్ని సీటు అంచున కూర్చోబెట్టేలా గ్రిప్పింగ్ స్క్రీన్ప్లేతో సినిమా ఉంటుందని, అన్ని వర్గాలకూ నచ్చే వాణిజ్యఅంశాలు ఇందులో ఉంటాయని దర్శకుడు తెలిపారు.