Rayan Trailer | ధనుష్ స్వీయ దర్శకత్వంలో నటించిన చిత్రం ‘రాయన్’. ఇది ధనుష్ 50వ చిత్రం కావడం విశేషం. సన్ పిక్చర్స్ నిర్మించిన ఈ చిత్రంలో సందీప్కిషన్, కాళిదాస్ జయరామ్ కీలక పాత్రధారులు. ఈనెల 26న సినిమా విడుదల కానుంది. ప్రమోషన్లో భాగంగా మంగళవారం ఈ సినిమా ట్రైలర్ని మేకర్స్ విడుదల చేశారు. ‘అడవిలో బలమైన జంతువులు పులి, సింహాలే. కానీ ప్రమాదమైన జంతువు తోడేలు. ఎదురెదురుగా నిలబడితే సింహమే గెలుస్తుంది.
కానీ.. తోడేలు చాలా జిత్తులమారిది.. గుంపుగా చుట్టుముట్టి ఒక పథకం వేసి సింహాన్ని ఓడిస్తాయి..’ అనే పవర్ఫుల్ వాయిస్ ఇంట్రోతో ఈ ట్రైలర్ మొదలైంది. సినిమా ఆద్యంతం యాక్షన్ ప్యాక్ట్ ఎలిమెంట్స్తో సాగుతుందని ట్రైలర్ చెబుతున్నది. ధనుష్తోపాటు సందీప్కిషన్, ఎస్.జె.సూర్య, ప్రకాశ్రాజ్, సెల్వరాఘవన్, కాళిదాస్ జయరామ్ ఈ ట్రైలర్లో కనిపిస్తున్నారు. ఏ.ఆర్.రెహ్మాన్ స్వరాలందించిన ఈ చిత్రానికి కెమెరా: ఓంప్రకాశ్.