Darling | టాలీవుడ్ యువ నటులు ప్రియదర్శి, నభా నటేష్లు ప్రధాన పాత్రల్లో నటిస్తున్న తాజా చిత్రం ‘డార్లింగ్’. ఈ సినిమాకు అశ్విన్ రామ్ దర్శకత్వం వహిస్తుండగా.. హనుమాన్ సినిమాతో బ్లాక్ బస్టర్ను అందుకున్న ప్రైమ్షో ఎంటర్టైన్మెంట్ బ్యానర్పై కె. నిరంజన్ రెడ్డి నిర్మిస్తున్నారు. ఇప్పటికే ఈ సినిమా నుంచి టీజర్తో పాటు ట్రైలర్ విడుదల చేయగా ప్రేక్షకులను ఆకట్టుకుంటున్నాయి. ఈ సినిమాను జూలై 19న ప్రపంచవ్యాప్తంగా ప్రేక్షకుల ముందుకు తీసుకురానున్నట్లు చిత్రబృందం వెల్లడించింది.
ఇక విడుదల తేదీ దగ్గరపడటంతో ప్రమోషన్స్ వేగం పెంచింది చిత్రబృందం. ఇందులో భాగంగానే నభా నటేష్ సోషల్ మీడియాలో అభిమానులతో ముచ్చటిస్తూ సినిమా విశేషాలను వారితో పంచుకుంది. అయితే ఈ క్రమంలోనే ఓ నెటిజన్ ‘ఎవరి ఎవరికో రిప్లై ఇస్తున్నావ్.. నాకు కూడా రిప్లై కావాలి నభా’ అంటూ ఆమెను ట్యాగ్ చేశాడు. దీనికి నభా నటేష్ ఫన్నీగా రిప్లయ్ ఇచ్చింది. ”నీకు కూడా రిప్లయ్ ఇస్తున్నా.. నువ్వు కూడా థియేటర్కు వెళ్లు ఎవరిని ఎవరిని తీసుకెళ్లుతున్నావు చెప్పు మరి” అంటూ నభా రాసుకోచ్చింది. దీంతో ఈ పోస్ట్ ప్రస్తుతం ఎక్స్లో వైరల్ అవుతుంది.
Nuvvu kooda theatres ki vellu. Evar evarni theeskethav cheppu mari ?
— Nabha Natesh (@NabhaNatesh) July 18, 2024
Also Read..