ఎట్టకేలకు అల్లు అర్జున్ కోసం త్రివిక్రమ్ పంథా మార్చుకున్నారు. ఇప్పటివరకూ తెలుగు ప్రేక్షకుల్ని మాత్రమే టార్గెట్ చేస్తూ సినిమాలు తీసిన త్రివిక్రమ్, ఇప్పుడు పాన్ ఇండియా ప్రేక్షకులవైపు దృష్టి సారించారు. ‘పుష్ప’తో పాన్ ఇండియా స్టార్గా అవతరించిన బన్నీతో, పాత పంథాలు సినిమాలు తీయడం సబబు కాదని, భారీ పాన్ ఇండియా ప్రాజెక్ట్కి తెరలేపారు త్రివిక్రమ్. దాదాపు వెయ్యికోట్ల బడ్జెట్తో ఈ సినిమా రూపొందనుందని నిర్మాత బన్నీ వాసు తెలిపారు.
దీనికోసం ఆ స్థాయిలో ఫైనాన్స్ చేసే కార్పొరేట్స్ని, ఫైనాన్షియర్లను వెతుక్కోవాల్సిన అవసరం ఉందని ఆయన అన్నారు. త్రివిక్రమ్కి పాన్ ఇండియా స్థాయి సినిమా తీసే సామర్థ్యం ఉందని బన్నీ నమ్మారని, వారిద్దరు రెండేళ్లు కష్టపడి ఓ కాన్సెప్ట్ అనుకున్నారనీ, ఇది చాలా బిగ్ ప్రాజెక్ట్ అని, దీని ప్రీ ప్రొడక్షన్కే ఏడాదిన్నర పడుతుందని బన్నీవాసు పేర్కొన్నారు.