బాలీవుడ్ మరో హాస్యనటుడిని కోల్పోయింది. అనారోగ్యంతో రాజు (58) కన్నుమూశారు. గత నెల 10న వ్యాయామం చేస్తుండగా గుండెపోటు రావడంతో ఢిల్లీలోని ఎయిమ్స్లో చేర్చారు. మెదడు దెబ్బతిని కోమాలోకి వెళ్లారు. కొద్ది రోజుల క్రితం ఆయన కోమా నుంచి బయటకొచ్చారని కుటుంబ సభ్యులు చెప్పారు.
చికిత్స తీసుకుంటూనే బుధవారం రాజు తుదిశ్వాస విడిచారు. ‘మైనే ప్యార్ కియా’, ‘బాజీగర్’, బాంబే టు గోవా, ఆమ్దానీ ఆఠానీ ఖర్చ రూపాయి వంటి చిత్రాల్లో కమెడియన్గా ప్రేక్షకులను నవ్వించాడు. స్టాండప్ కమెడియన్గా ‘ద గ్రేట్ ఇండియన్ లాటర్ ఛాలెంజ్’, ‘కామెడీ నైట్స్ విత్ కపిల్’ వంటి టీవీ కార్యక్రమాల ద్వారా గుర్తింపు తెచ్చుకున్నారు. రాజు శ్రీవాస్తవ్ మృతి పట్ల పలువురు సినీ ప్రముఖులు, రాజకీయ నాయకులు సంతాపం వ్యక్తం చేశారు.