Kangana Ranaut | బాలీవుడ్ ఫైర్ బ్రాండ్ బీజేపీ ఎంపీ కంగనా రనౌత్ (Kangana Ranaut)కు చండీగఢ్ విమానాశ్రయంలో చేదు అనుభవం ఎదురైన విషయం తెలిసిందే. చండీగఢ్ ఎయిర్పోర్ట్లో ఓ సీఐఎస్ఎఫ్ మహిళా కానిస్టేబుల్ కంగనాపై చేయి చేసుకుంది. దీంతో ఈ ఘటన సోషల్ మీడియాలో కలకలం సృష్టించింది. ఇక ఈ ఘటనపై కొందరూ సీఐఎస్ఎఫ్ మహిళా కానిస్టేబుల్ చేసిన పని సరైనది అని మద్దతుగా నిలుస్తుండగా మరికొందరు కంగనాకు అండగా నిలుస్తున్నారు. ఈ నేపథ్యంలోనే తాజాగా ఈ ఘటనపై బాలీవుడ్ సీనియర్ నటి షబానా అజ్మి స్పందించింది.
నాకు కంగనా పట్ల ప్రేమ లేదు కానీ.. ఈ చెంప దెబ్బకి ఆనందించే వాళ్ళతో నేను కలవలేను. ఇలా భద్రత సిబ్బంది చట్టాన్ని చేతుల్లోకి తీసుకుంటే మనం ఎవరం కూడా సేఫ్గా ఉండలేము. దీనిపై ఆలోచించాలి. అంటూ రాసుకోచ్చింది.
I have no love lost for #Kangana Ranaut. But I can’t find myself joining this chorus of celebrating “the slap”. If security personnel start taking law into their hands none of us can be safe .
— Azmi Shabana (@AzmiShabana) June 7, 2024
అసలు ఏం జరిగిదంటే.. పార్లమెంటు ఎన్నికల్లో ఎంపీగా గెలిచిన కంగనా రనౌత్ చండీగఢ్ నుంచి ఢిల్లీ వెళ్లేందుకు ఎయిర్పోర్టుకు వెళ్లగా అక్కడ సీఐఎస్ఎఫ్ మహిళా కానిస్టేబుల్ కుల్విందర్ కౌర్ ఆమెను చెంప చెళ్లుమనిపించింది. వంద రూపాయలకే రైతులు ధర్నాలో పాల్గొంటారంటూ గతంలో కంగనా చేసిన విమర్శల నేపథ్యంలో దాడి చేశానని సీఐఎస్ఎఫ్ మహిళా కానిస్టేబుల్ చెప్పింది. వ్యవసాయ చట్టాలకు వ్యతిరేకంగా ఆనాడు జరిగిన ధర్నాలో తన తల్లి పాల్గొన్నదని, నిరసన తెలుపుతున్న ఆమెపై అలా మాట్లాడటం తట్టుకోలేకనే కంగనా చెంప పగలగొట్టానని తెలిపింది. కాగా, ఈ చర్యను తీవ్రంగా పరిగణించిన సీఐఎస్ఎఫ్.. కుల్విందర్ను సస్పెండ్ చేసింది. ఆమెపై కేసు కూడా నమోదు చేసి అరెస్టు చేశారు.