Bharateeyudu 2 | భారీ బడ్జెట్ తో రూపొందించే ప్రతి పెద్ద సినిమాలకు టిక్కెట్ల రేటు పెంచుకునేందుకు అనుమతులు కోరుతుంది సదరు నిర్మాణ సంస్థ. శంకర్ దర్శకత్వం వహించిన భారతీయుడు-2 చిత్రం ఈ శుక్రవారం విడుదల కు సిద్దమైన సంగతి తెలిసిందే. అయితే ఈ చిత్రానికి కూడా టిక్కెట్ల రేట్లు పెంచుకునేందుకు అనుమతి ఇవ్వాలని ప్రభుత్వాన్ని కోరింది సదరు చిత్ర నిర్మాణ సంస్థ . వారి కోరిక మేరకు గ్రీన్ సిగ్నల్ ఇచ్చింది తెలంగాణా ప్రభుత్వం. మల్టీ ప్లెక్స్ ల్లో 75 రూపాయలతో పాటు సింగిల్ స్క్రీన్ లో 50 రూపాయల వరకు రేటు పెంచుకునేందుకు ప్రభుత్వం అనుమతిచ్చింది.
కొన్ని సినిమాలకు టిక్కెట్ల రేట్ల పెంపుదల కలిసి వస్తే.. కొన్ని సినిమాలకు మైనస్ గా మారుతుంది. ఇటీవల విడుదలైన ప్రభాస్ హీరోగా, నాగ్ అశ్విన్ రూపొందించిన `కల్కి 2898 ఏడీ’ ప్రపంచవ్యాప్తంగా ఎంత పెద్ద విజయం సాధించిందో అందరికి తెలుసు. కానీ టిక్కెట్ల రేటు పెంచడంతో చాలా మంది మిడిల్ క్లాస్ ఆడియన్స్ థియెటర్లకు వెళ్లి చూడలేక పోయారు. భారతీయుడు 2 విషయానికొస్తే దాదాపుగా 28 సంవత్సరాల క్రితం శంకర్ దర్శకత్వంలో కమల్ హాసన్ కథానాయకుడిగా వచ్చిన ‘భారతీయుడు’ సినిమా ఎంత ఘన విజయం సాధించిందో తెలిసిన విషయమే.
ఈ సినిమాకు సీక్వెల్ గా భారతీయుడు 2 నేడు ప్రేక్షకుల ముందుకు వచ్చింది. ఈ చిత్రాన్ని తెలుగులో డబ్బింగ్ సినిమాగానే పరిగణిస్తారు. అయితే ఈ చిత్రానికి టిక్కెట్ల రేట్లు పెంచడం సబబేనా అని కొందరు అనుకుంటున్నారు. ఈ టిక్కెట్ల రేటు పెరగడం వలన మిడిల్ క్లాస్ ఆడియన్స్ మల్టీ ప్లెక్స్ ల్లో సినిమాలను చూడాలనే ఆసక్తిని వదులుకుంటున్నారు. దర్శకుడు శంకర్ రూపొందించే అన్ని సినిమాలు మెసేజ్ ఓరియెంటెడ్ గా ఉంటాయి అన్న సంగతి తెలిసిందే. అన్ని వర్గాల అభిమానులు ఈ సినిమాను చూసే విధంగా టిక్కెట్ ధర ఏర్పాటు చేస్తే బాగుంటుందని ఫ్యాన్స్ టాక్. భారతీయుడు -2 సినిమాను తెలంగాణలో సురేష్ ప్రొడక్షన్ రిలీజ్ చేస్తుంది. 28 సంవత్సరాల తరువాత రాబోతున్న భారతీయుడు-2 సినిమాపై భారీ అంచనాలు ఉన్నాయి. అయితే టిక్కెట్ ధరలు పెంచడం వలన ఈ చిత్రం కలెక్షన్స్ భారీగా వసూలు చేస్తుందంటారా అని కొందరు అభిమానుల అభిప్రాయం. ‘కల్కి 2898 ఏడీ’ చిత్ర యూనిట్ చేసిన తప్పే ఈ భారతీయుడు -2 నిర్మాణ సంస్థ చేస్తుందని విశ్లేషకుల మాట. భారతీయుడు-2 లో ఇండియన్ లెజెండ్ కమల్ హాసన్, రకుల్ ప్రీత్ సింగ్, ప్రియా భవాని శంకర్, ఎస్ జే సూర్య, సిద్ధార్థ, గుల్ష్ న్ గ్రోవర్ లు ప్రధాన పాత్రల్లో నటిస్తున్నారు. ఈ చిత్రాన్ని లైకా ప్రొడక్షన్స్ -రెడ్ జియాంట్ మూవీస్ పై ఉదయనిధి స్టాలిన్ -సు భాస్కరన్ నిర్మిస్తున్నారు. ఈ సనిమాకు సంగీతం : అనిరుధ్ రవి చందర్ అందిస్తున్నారు.
Also Read..