Balakrishna | హ్యాట్రిక్ విజయాల తర్వాత బాలకృష్ణ చేస్తున్న సినిమా ‘ఎన్టీకే 109’. కె.ఎస్.రవీంద్ర(బాబీ) దర్శకత్వంలో సూర్యదేవర నాగవంశీ, సాయిసౌజన్య కలిసి నిర్మిస్తున్న ఈ చిత్రంలో ప్రగ్య జైస్వాల్ కథానాయికగా నటిస్తున్న విషయం తెలిసిందే. ఏపీ ఎన్నికల కారణంగా కొన్ని నెలల పాటు వాయిదా పడ్డ ఈ సినిమా షూటింగ్, మళ్లీ మొదలైంది. శరవేగంతో ఈ సినిమాను చిత్రీకరిస్తున్నారు దర్శకుడు బాబీ. ప్రస్తుతం ఈ సినిమా షూటింగ్ రాజస్థాన్లో జరుగుతున్నది. ఇక్కడ బాలయ్యపై భారీ యాక్షన్ ఎపిసోడ్స్ని చిత్రీకరిస్తున్నట్టు తెలుస్తున్నది.
బాలయ్య, బాబీడియోల్ గ్యాంగ్ నడుమ సాగే ఈ యాక్షన్ ఎపిసోడ్స్ సినిమాకే హైలైట్గా నిలుస్తాయని ఫిల్మ్ వర్గాల సమాచారం. ఇప్పటికే విడుదలైన ప్రచార చిత్రాలు అభిమానుల్ని బాగా కట్టుకున్నాయి. ఈ సినిమాకు ‘వీరమాస్’ అనే టైటిల్ మొదట్లో అనుకున్నారు. కానీ అభిమానుల భిన్నాభిప్రాయాలు రావడంతో ఆ టైటిల్ని మార్చే యోచనలో చిత్రబృందం ఉన్నట్టు తెలుస్తున్నది. థమన్ స్వరాలందిస్తున్న ఈ చిత్రం విడుదల తేదీపై క్లారిటీ రావాల్సివుంది.