Balakrishna | దాదాపు అందరు హీరోలతోనూ సినిమాలు తీసిన దిల్రాజుకు బాలకృష్ణతో సినిమా చేయలేదన్న లోటు ఇంకా అలాగే ఉంది. ఆ లోటును భర్తీ చేసుకునేందుకు బలంగానే ప్రయత్నాలు మొదలుపెట్టారట దిల్రాజు. బాలకృష్ణకోసం ఓ యువ దర్శకుడు తయారు చేసుకున్న కథ దిల్రాజుకు విపరీతంగా నచ్చేసిందట. దాంతో ఆ యువ దర్శకుడ్ని బాలకృష్ణ చిన్న కుమార్తె తేజశ్విని వద్దకు తీసుకెళ్లి, ఆ కథను చెప్పించారట దిల్రాజు.
గత రెండేళ్లుగా తండ్రికి సంబంధించిన వృత్తిగత అంశాలన్నీ తేజస్విని దగ్గరుండి చూసుకుంటున్న విషయం తెలిసిందే. దిల్రాజుకు నచ్చినట్టే తేజస్వినికి కూడా ఆ కథ బాగా నచ్చి, ‘ప్రొసీడ్’ అన్నారట. త్వరలోనే బాలయ్యకు ఆ యువదర్శకుడు ఫైనల్ నేరేషన్ ఇవ్వనున్నట్టు విశ్వసనీయ సమాచారం. అయితే.. దిల్ రాజు క్యాంప్ ఆ దర్శకుడి పేరును గోప్యంగా ఉంచారని తెలుస్తున్నది. బాలయ్యకు కూడా కథ నచ్చితే ‘ఎన్బీకే 110’ ఇదే కావచ్చు. మరి ఈ ప్రాజెక్ట్ ఎప్పుడు కన్ఫర్మ్ అవుతుందో చూడాలి.