Ram Charan | ఎట్టకేలకు ‘గేమ్చేంజర్’ పని పూర్తి చేసుకొని రామ్చరణ్ కాస్త ఫ్రీ అయ్యారు. ఆ సినిమా క్రిస్మస్ కానుకగా విడుదల చేయనున్నట్టు దిల్రాజు ప్రకటించారు. ఇక నెక్ట్స్ చేసే ‘ఆర్సీ 16’ కోసం చరణ్ మేకోవర్ అవ్వాల్సివుంది. అందుకే.. రెండు నెలల విరామానంతరం రెగ్యులర్ షూటింగ్ మొదలుపెట్టాలని మేకర్స్ భావించారు. ఈ గ్యాప్లో దర్శకుడు బుచ్చిబాబు పాటల రికార్డింగ్పై దృష్టిపెట్టారు.
సంగీత దర్శకుడు ఏ.ఆర్.రెహమాన్తో ఇప్పటికే ఆయన మూడు పాటలకు ట్యూన్స్ రెడీ చేయించినట్టు విశ్వసనీయ సమాచారం. ఈ సినిమాకు ‘పెద్ది’ అనే టైటిల్ ప్రస్తుతం ప్రచారంలో ఉంది. దాదాపు అదే ఖరారయ్యే అవకాశం కూడా ఉందని ఫిల్మ్ వర్గాల టాక్. జాన్వీకపూర్ కథానాయికగా నటించనున్న ఈ స్పోర్ట్స్ డ్రామాలో కన్నడ సూపర్స్టార్ శివరాజ్కుమార్ కీలక పాత్ర పోషించనున్నారు. మైత్రీమూవీమేకర్స్, వృద్ధి సినిమాస్ పతాకాలపై ఈ సినిమా రూపొందుతోంది.