హృద్యమైన ప్రేమకథలతో పాటు సామాజిక సమస్యలను ఇతివృత్తాలుగా తీసుకొని సినిమాలు తీస్తూ సెన్సిబుల్ డైరెక్టర్గా పేరు తెచ్చుకున్నారు శేఖర్ కమ్ముల. ప్రస్తుతం ఆయన అగ్ర హీరోలు నాగార్జున, ధనుష్లతో భారీ మల్టీస్టారర్ చిత్రాన్ని తెరకెక్కిస్తున్న విషయం తెలిసిందే. శ్రీవెంకటేశ్వర సినిమాస్, అమిగోస్ క్రియేషన్స్ నిర్మిస్తున్నాయి. ప్రస్తుతం చిత్రీకరణ జరుగుతున్నది. తాజాగా శ్రీవెంకటేశ్వర సినిమాస్ బ్యానర్లో శేఖర్ కమ్ముల మరో చిత్రాన్ని చేయబోతున్నారు. ప్రస్తుతం ఈ సినిమాకు సంబంధించిన ప్రీప్రొడక్షన్స్ పనులు జరుగుతున్నాయని, భారీ బడ్జెట్తో తెరకెక్కిస్తామని నిర్మాణ సంస్థ ప్రకటించింది. ఈ చిత్రానికి సంబంధించిన మరిన్ని వివరాలను త్వరలో వెల్లడించనున్నారు. ఈ చిత్రానికి నిర్మాతలు: సునీల్ నారంగ్, పుస్కూర్ రామ్మోహన్ రావు, దర్శకత్వం: శేఖర్ కమ్ముల.