సీనియర్ హీరోల సరసన ఆడిపాడుతూనే, యువ కథానాయకులతో కూడా జోడీ కట్టే అవకాశం చాలా తక్కువ మందికి వస్తుంది. ఇప్పడు అలాంటి కోవలోనే వస్తారు అచ్చ తెలుగమ్మాయి హీరోయిన్ అంజలి. ఒకప్పుడు వరుస సినిమాలు చేసిన ఈ అందాలతారకు ఇప్పుడు అవకాశాలు అంతంత మాత్రమే అని చెప్పాలి. ఇటీవల అంజలి నటించిన గీతాంజలి -2 భారీ పరాజయాన్ని నమోదు చేసుకుంది. అయితే ఇప్పుడు ఆమె తాజాగా మరోసారి వార్తల్లో నిలిచింది.
రామ్చరణ్ నటిస్తున్నతాజా చిత్రం గేమ్చేంజర్. శంకర్ దర్శకత్వంలో లాంగెస్ట్ ప్రాజెక్ట్గా తెరకెక్కుతున్న ఈ చిత్రం ఇంకా చిత్రీకరణ దశలోనే వుంది. రిలీజ్ డేట్ కూడా కన్పర్మ్ కాలేదు. అయితే ఈ చిత్రంలో హీరో రామ్చరణ్కు అంజలి భార్యగా నటిస్తుందని ఫిల్మ్నగర్ సమాచారం. రామ్చరణ్, అంజలికి సంబంధించిన కొన్ని ఫోటోలు కూడా బయటికొచ్చాయి. అయితే సినిమాలో కథకు అనుగుణంగా వచ్చే ఫ్లాష్బ్యాక్ ఏపిసోడ్లో అంజలి పాత్ర కీలకంగా చరణ్కు భార్యగా వుంటుందని అంటున్నారు.
ఈ పాత్ర గురించి అంజలి ఓ ఇంటర్వ్యూలో స్పందిస్తూ తన పాత్ర సినిమాలో కీలకంగా వుంటుందని చెప్పగలను. అంతే తప్ప నా క్యారెక్టర్ ఇప్పుడు రివీల్ చేయలేను అని చెప్పారు. సినిమాలో తన పాత్ర చూసి ఆడియన్స్ సర్ప్రైజ్ అవుతారని మాత్రం చెప్పగలను అన్నారట. ఇటీవల విశ్వక్సేన్ నటించిన చిత్రం గ్యాంగ్స్ ఆఫ్ గోదావరి చిత్రంలో విశ్వక్సేన్తో రొమాన్స్ చేశారు అంజలి. ఇప్పుడు చరణ్తో జోడి కట్టింది. అయితే గేమ్చేంజర్ తప్పకుండా తనను మళ్లీ బిజీ చేస్తుందనే అంచనాలతో వుంది. శ్రీ వెంకటేశ్వర క్రియేషన్స్ పతాకంపై అత్యంత భారీ బడ్జెట్తో ఈ చిత్రాన్ని దిల్రాజు నిర్మిస్తున్నాడు.
Read Also :
Vishwambhara Movie | చిరు ఫ్యాన్స్కు క్రేజీ న్యూస్.. మెగాస్టార్ ‘విశ్వంభర’ నుంచి టీజర్ అప్డేట్
Mr Bachchan Movie | అఫీషియల్ : ఇండిపెండెన్స్ బరిలో రవితేజ ‘మిస్టర్ బచ్చన్’
Janhvi Kapoor | ఆస్పత్రి నుంచి డిశ్చార్జ్ అయిన జాన్వీకపూర్