Anil Ravipudi | టాలీవుడ్ స్టార్ యాక్టర్ వెంకటేశ్ (Venkatesh) అనిల్ రావిపూడి (Anil Ravipudi) కాంబోలో వచ్చిన ఎఫ్2, ఎఫ్ 3 సినిమాలు ఏం స్థాయిలో హిట్గా నిలిచాయో ప్రత్యేకించి చెప్పనవసరం లేదు. ఈ ఏడాది వెంకటేశ్ సైంధవ్ మూవీతో ప్రేక్షకులను పలుకరించగా.. ఆశించిన స్థాయిలో సక్సెస్ అందుకోలేకపోయింది. కాగా ఈ ఇద్దరి క్రేజీ కాంబోలో మరోసారి ఫన్ ఎంటర్టైనర్ వస్తుండగా.. ఇటీవలే అధికారికంగా ప్రకటించారు.
ఈ చిత్రాన్ని శ్రీ వెంకటేశ్వర క్రియేషన్స్ బ్యానర్పై దిల్ రాజు నిర్మిస్తున్నారు. తాజాగా ఈ చిత్రానికి సంబంధించిన ఆసక్తికర అప్డేట్ నెట్టింట వైరల్ అవుతోంది. ఇంతకీ విషయమేంటనే కదా మీ డౌటు. ఈ మూవీ కోసం డైరెక్టర్ అనిల్ రావిపూడికి నిర్మాత దిల్ రాజు ఏకంగా రూ.15 కోట్ల చెక్ ఇచ్చాడన్న వార్త ఒకటి ఫిలింనగర్ సర్కిల్లో రౌండప్ చేస్తోంది. అనిల్ రావిపూడి ఇప్పటికే దిల్ రాజు హోం బ్యానర్లో హిట్ సినిమాలు తెరకెక్కించాడు.
దిల్ రాజుకు సూపర్ హిట్స్ అందించిన అనిల్ రావిపూడి వెంకీ సినిమాకు పెద్ద మొత్తంలో రెమ్యునరేషన్ అందుకుంటున్నాడన్న వార్త ఇప్పుడు హాట్ టాపిక్గా మారింది. ఈ చిత్రంలో మీనాక్షి చౌదరి ఫీ మేల్ లీడ్ రోల్లో నటించనున్నట్టు తెలుస్తోండగా.. దీనిపై అధికారిక ప్రకటన రావడమే ఆలస్యమని టాక్. ఆగస్టులో సెట్స్పైకి వెళ్లనున్న ఈ మూవీకి సంబంధించి పూర్తి వివరాలపై రానున్న రోజుల్లో క్లారిటీ రానుంది. కామిక్ స్టైల్ ఉన్న అనిల్ రావిపూడి, వెంకీ కాంబోలో మరో సినిమా వస్తుందండటంతో ఎక్జయిటింగ్గా ఎదురుచూస్తున్నారు మూవీ లవర్స్.