‘యానిమల్’ చిత్రంతో సెకండ్ ఇన్సింగ్స్లో మంచి బ్రేక్ సంపాదించుకున్నారు సీనియర్ నటుడు అనిల్ కపూర్. తండ్రి పాత్రలో ఆయన కనబరచిన నటనకు సర్వత్రా ప్రశంసలు లభించాయి. ఈ నేపథ్యంలో అనిల్ కపూర్ వరుసగా భారీ చిత్రాలకు సైన్ చేస్తున్నారు. తాజా సమాచారం ప్రకారం యష్రాజ్ ఫిల్మ్స్ (వైఆర్ఎఫ్) స్పై యూనివర్స్లో భాగంగా నిర్మిస్తున్న మూడు చిత్రాల్లో అనిల్ కపూర్ నటించబోతున్నారు.
యష్రాజ్ ఫిల్మ్స్ ప్రస్తుతం ‘వార్-2’ చిత్రాన్ని తెరకెక్కిస్తున్నది. హృతిక్ రోషన్, ఎన్టీఆర్ కథానాయకులు. ఈ చిత్రంలో అనిల్కపూర్ కీలక పాత్రను పోషించబోతున్నారు. ఇక అలియాభట్ గూఢచారి పాత్రలో నటిస్తున్న ‘ఆల్ఫా’, షారుఖ్ఖాన్ ‘పఠాన్-2’లో చిత్రాల్లో కూడా అనిల్కపూర్ ముఖ్య పాత్రల్ని పోషించబోతున్నారు. ఈ మూడు చిత్రాల్లో ఆయన భారత గూఢచారి సంస్థ ‘రా’ అధిపతి పాత్రలో నటించబోతున్నారని సమాచారం.