Ananya Panday | రౌడీ బాయ్ విజయ్ దేవరకొండ సరసన ‘లైగర్’తో టాలీవుడ్ ఎంట్రీ ఇచ్చింది యంగ్ బ్యూటీ అనన్యా పాండే. ప్రస్తుతం బాలీవుడ్లో బాగానే రాణిస్తున్నది. తాజాగా తన టీనేజ్ రోజుల్ని గుర్తుచేసుకున్నది అనన్య. హఠాత్తుగా ఆమెకు టీనేజ్ జ్ఞాపకాలు గుర్తుకురావడానికీ ఓ కారణం ఉంది. అదే.. ‘ఇన్సైడ్ అవుట్ 2’ అనే అమెరికన్ యానిమేటెడ్ చిత్రం. కెల్సీమన్ దర్శకత్వం వహించిన ఈ సినిమా కోసం అమీ ప్లోహార్, ఫిలిస్ స్మిత్, లూయిస్ బ్లాక్, టోనీ హేల్ వంటి హాలీవుడ్ నటీనటులు వాయిస్ ఓవర్ ఇచ్చారు.
హిందీ వెర్షన్లో ‘రిలే అండర్సన్’ అనే ఓ 13 ఏళ్ల అమ్మాయి పాత్రకు అనన్యా పాండే డబ్బింగ్ చెప్పింది. ఈ సందర్భంగానే.. తన టీనేజ్ ముచ్చట్లను పంచుకున్నది అనన్య. ‘పిక్సర్ అండ్ డిస్నీ స్టూడియోల యానిమేషన్ చిత్రాలకు నేను వీరాభిమానిని. ఈ సంస్థల నుంచి వస్తున్న ‘ఇన్సైడ్ అవుట్ 2’కి పనిచేయడం నిజంగా హ్యాపీగా ఉంది. రిలే పాత్రకు వాయిస్ ఓవర్ చెబుతున్నప్పుడు.. నాకు నా టీనేజ్ గుర్తొచ్చింది’ అంటూ చెప్పుకొచ్చింది లైగర్ బ్యూటీ.