“పుష్ప -2” ఇంకా పూర్తి కాక ముందే అల్లు అర్జున్ (Allu Arjun) ఏ చిత్రం చేయబోతున్నారని అల్లు అభిమానులలో కుతూహలం మొదలైంది.సుకుమార్ దర్శకత్వంలో వచ్చిన `పుష్ప`సినిమాలో అల్లు అర్జున్ పుష్పరాజ్ పాత్రలో తను చేసిన నటనకు 69 వ జాతీయ చలనచిత్ర అవార్డులలో ఉత్తమ నటుడు అవార్డును గెలుచుకున్న సంగతి తెలిసిందే. అయితే పుష్ప-2 అనంతరం అల్లు అర్జున్ ఏం చేయబోతారన్నది స్పష్టత లేదు. చాలా మంది దర్శకులు అల్లు అర్జున్ కి కథలు వినిపిస్తున్నారని ప్రచారం జరుగుతుంది. ఓ పక్క పుష్ప-2 చిత్రీకరణలో పాల్గొంటూనే మరోపక్క తరువాతి సినిమా కోసం కథలు వింటున్నారు అల్లు అర్జున్. నెల్సన్ ,సందీప్ రెడ్డి వంగా ,అట్లీ,త్రివిక్రమ్,ఇలా దర్శకులందరు బన్నీకి తమ కథలు వినిపిస్తున్నారు.
పుష్ప సినిమాతో ఓ సెన్సేషన్ క్రియేట్ చేసుకున్న బన్నీ తను తరువాత చేయబోయే చిత్రం కూడా అంతటి భారీ విజయాన్ని తెచ్చి పెట్టాలని ఆశిస్తున్నారట. అయితే అగ్ర దర్శకుడైన త్రివిక్రమ్ అల్లు అర్జున్ కోసం హిస్టారికల్ కథను సిద్దం చేసినట్లు సమాచారం. అల్లు అర్జున్ -త్రివిక్రమ్ శ్రీనివాస్ (Trivikram Srinivas) కాంబినేషన్ లో ఓ మ్యాజిక్ ఉంటుంది. వీరిద్దరి కాంబినేషన్ లో వచ్చిన జులాయి,సన్నాఫ్ సత్య మూర్తి,అలా వైకుంఠపురంలో చిత్రాలన్ని ఘన విజయాలను అందుకున్నాయి. అలా వైకుంఠ పురంలో చిత్రం ఫ్యామిలి ఎంటర్ టైనర్ గా ప్రేక్షకులను ఆకట్టుకుంది.
ఈ సినిమా ఎంత సన్సేషన్ క్రియేట్ చేసిందో ప్రత్యేకంగా చెప్పనవసరం లేదు. అయితే తాజా సమాచారం ప్రకార పుష్ప-2 పూర్తి చేసిన తరువాత అల్లు అర్జున్ కోసం ఎదురుచూస్తున్న దర్శకులలో త్రివిక్రమ్ శ్రీనివాస్ తోనే సినిమా చేయాలని బన్ని నిర్ణయించుకున్నాడట . ఈ సినిమాను సితార ఎంటర్ టైన్ మెంట్స్ అండ్ గీతా ఆర్ట్స్ సంస్థలు కలిసి నిర్మించబోతున్నారని సమాచారం. ఈ చిత్రాన్ని అత్యంత భారీ బడ్జెట్ తో నిర్మించబోతున్నారట. బన్నీ ,త్రివిక్రమ్ ల కాంబినేషన్ సినిమా దసరా రోజు షూటింగ్ ప్రారంభిస్తారని సన్నిహితులు అంటున్నారు.
Read Also :
Kanguva | సూర్య కంగువ సాంగ్లో ఎంతమంది ఆర్టిస్టులుండబోతున్నారో తెలుసా..?
Raayan | ధనుష్ స్టన్నింగ్ లుక్తో రాయన్ ట్రైలర్ అనౌన్స్మెంట్