Aa Okkati Adakku | కామిక్ టైమింగ్ ఉన్న టాలెంటెడ్ యాక్టర్ అల్లరి నరేశ్ (Allari Naresh) గత కొంతకాలంగా సరైన బ్రేక్ కోసం ఎదురుచూస్తున్నాడని తెలిసిందే. ఇటీవలే ‘ఆ ఒక్కటీ అడక్కు’ (Aa Okkati Adakku) సినిమాతో ప్రేక్షకుల ముందుకొచ్చాడు. మల్లి అంకం దర్శకత్వం వహించిన ఈ మూవీ మే 03న విడుదలైంది. ఈ మూవీలో జాతిరత్నాలు ఫేం ఫరియా అబ్దుల్లా (Faria Abdulla) హీరోయిన్గా నటించింది.
ఫస్ట్ లుక్, గ్లింప్స్ వీడియో, టీజర్, ట్రైలర్కు మంచి రెస్పాన్స్ వచ్చినా థియేటర్లలో మాత్రం ప్రేక్షకులను ఇంప్రెస్ చేయలేకపోయింది. ఆ ఒక్కటి అడక్కు పాపులర్ ఓటీటీ ప్లాట్ఫాం అమెజాన్ ప్రైమ్ వీడియోలో ప్రీమియర్ అయింది. అయితే ముందుగా ప్రకటన జారీ చేసిన తర్వాత ఓటీటీలో రావాల్సి ఉండగా.. అమెజాన్ ప్రైమ్ వీడియో మాత్రం సైలెంట్గా సినిమాను ప్రీమియర్ చేయడం ఇప్పుడు టాక్ ఆఫ్ ది టౌన్గా మారింది. మరి ఆ ఒక్కటి అడక్కు చిత్రానికి ఓటీటీ ప్రేక్షకుల నుంచి ఎలాంటి స్పందన వస్తుందో చూడాలి.
ఈ చిత్రాన్ని చిలక ప్రొడక్షన్స్ బ్యానర్పై రాజీవ్ చిలక తెరకెక్కించారు. ఈ మూవీలో వెన్నెల కిషోర్, జామీ లివర్, వైవా హర్ష, అరియానా గ్లోరీ తదితరులు కీలక పాత్రల్లో నటించారు. అల్లరి నరేశ్ ఇటీవలే బచ్చలమల్లి సినిమా అప్డేట్ అందించిన విషయం తెలిసిందే. 1990 కాలంనాటి భావోద్వేగ ప్రయాణం నేపథ్యంలో వస్తోన్న ఈ సినిమాకు సుబ్బు మంగదేవి దర్శకుడు.
ఆ ఒక్కటీ అడక్కు ట్రైలర్..
ఆ ఒక్కటీ అడక్కు టీజర్..