Ajith Kumar – Prashanth Neel | కోలీవుడ్ నుంచి మరో క్రేజీ కాంబో రాబోతుంది. తమిళ అగ్ర నటుడు అజిత్, కన్నడ స్టార్ డైరెక్టర్ ప్రశాంత్ నీల్ కాంబోలో ఓ మూవీ రాబోతున్నట్లు తెలుస్తుంది. దీనికి సంబంధించిన వార్తలు ప్రస్తుతం సోషల్ మీడియాలో వైరల్ అవుతున్నాయి. సలార్ 2 షూటింగ్లో బిజీగా ఉన్న ప్రశాంత్ను ఇటీవల అజిత్ కలుసుకున్నట్లు తెలుస్తుంది. ఈ సమవేశంలో వీరిద్దరి మధ్య రెండు సినిమాలకు సంబంధించి ప్రస్తావన వచ్చినట్లు సమాచారం. ఇందులో ఒకటి కేజీఎఫ్ యూనివర్స్లో భాగం కాబోతుండగా మరోకటి ఇండిపెండెట్ ప్రాజెక్ట్ అని తెలుస్తుంది.
అయితే ఈ ప్రాజెక్ట్లు మొదలు పెట్టడానికి సంవత్సరం పట్టేలా ఉందని సమాచారం. ఎందుకంటే ప్రశాంత్ నీల్ సలార్ 2తో పాటు ఎన్టీఆర్ సినిమాతో బిజీగా ఉండగా.. అజిత్ కుమార్ ప్రస్తుతం రెండు ప్రాజెక్ట్లలో నటిస్తున్నాడు. దీంతో వీరిద్దరి కాంబో రావాలి అంటే సంవత్సరం వెయిట్ చేయాల్సిందే. ఇక అజిత్ = ప్రశాంత్ నీల్ కాంబోలో రానున్న మూవీని హోంబలే ఫిల్మ్స్పై విజయ్ కిరగందూర్ నిర్మించే అవకాశం ఉన్నట్లు సమాచారం.
అజిత్ ప్రస్తుతం మగిజ్ తిరుమేని దర్శకత్వంలో వస్తున్న ‘విదా ముయార్చి అనే సినిమా షూటింగ్లో బిజీగా ఉన్నాడు. ఈ చిత్రం 2024 దీపావళికి థియేటర్లలోకి వచ్చే అవకాశం ఉంది. దీనితో పాటు అధిక్ రవిచంద్రన్ దర్శకత్వంలో ‘గుడ్ బ్యాడ్ అగ్లీస అనే సినిమా చేస్తున్నాడు.
Also Read..
Actress Anjali | పుష్పను అంతా ఈజీగా వదిలిపెట్టను: నటి అంజలి