Kalki 2898 AD | గ్లోబల్ స్టార్ ప్రభాస్ (Prabhas) టైటిల్ రోల్లో నటించిన తాజా చిత్రం కల్కి 2898 ఏడీ (Kalki 2898 AD). సైన్స్ ఫిక్షన్ జోనర్లో తెరకెక్కిన ఈ చిత్రాన్ని నాగ్ అశ్విన్ (Nag Ashwin) డైరెక్ట్ చేశాడు. జూన్ 27 (గురువారం) ప్రపంచవ్యా్ప్తంగా తెలుగు, తమిళం, మలయాళం, కన్నడ, హిందీ భాషల్లో థియేటర్లలో గ్రాండ్గా విడుదలైంది. అంతా అనుకున్నట్టుగానే సూపర్ పాజిటివ్ టాక్తో రన్ అవుతోంది.
ఫస్ట్ డే అద్బుతమైన టాక్తో హౌస్ఫుల్ షోలతో స్క్రీనింగ్ అయిందని తెలిసిందే. బిగ్ బీ, దీపికాపదుకొనే, కమల్ హాసన్ లాంటి స్టార్ యాక్టర్లు సినిమాలో భాగం కావడంతో బజ్ రోజురోజుకీ పెరిగిపోతుంది. సినిమాకు వస్తున్న స్పందనను చూసి డిస్ట్రిబ్యూటర్లు నార్తిండియాలోని పలు ప్రాంతాల్లో మరిన్ని స్క్రీన్స్ను యాడ్ చేశారు. ఈ రెస్సాన్స్ ఇలాగే కొనసాగితే ఇతర రాష్ట్రాల్లో మరిన్ని థియేటర్లు కూడా చేరిపోవచ్చిన ట్రేడ్ పండితులు అంచనా వేస్తున్నారు.
వైజయంతీ మూవీస్ అత్యంత భారీ బడ్జెట్తో తెరకెక్కించిన ఈ మూవీ రానున్న రోజుల్లో గ్లోబల్ బాక్సాఫీస్ను షేక్ చేయడం పక్కా అని మూవీ లవర్స్ అప్పుడే అంచనాలు వేసేసుకుంటున్నారు. ఈ చిత్రంలో బాలీవుడ్ భామలు దీపికా పదుకొనే, దిశా పటానీ ఫీ మేల్ లీడ్ రోల్స్లో నటించగా.. లెజెండరీ యాక్టర్లు అమితాబ్ బచ్చన్, కమల్ హాసన్, రాజేంద్రప్రసాద్, పశుపతి ఇతర కీలక పాత్రలు పోషించారు. బెంగాలీ నటుడు శాశ్వత ఛటర్జీ విలన్గా నటించాడు.