Loksabha Elections 2024 | లోక్సభ ఎన్నికల(Lok Sabha Elections)లో భాగంగా సోమవారం ఐదో దశ పోలింగ్ కొనసాగుతున్న విషయం తెలిసిందే. నేడు ఉదయం 7 గంటలకు ప్రారంభమైన ఓటింగ్ సాయంత్రం 6 గంటలకు ముగియనుంది. ఇక పెద్దసంఖ్యలో సామాన్యులు, సెలబ్రిటీలు పోలింగ్ కేంద్రాలకు తరలివచ్చి తమ ఓటు హక్కు వినియోగించుకుంటున్నారు. ఇప్పటికే బాలీవుడ్ సినీ ప్రముఖులు అక్షయ్ కుమార్ (Akshay Kumar), జాన్వీ కపూర్ (Janhvi Kapoor), రాజ్కుమార్ రావ్, ఐరా ఖాన్, ఫర్హాన్ అక్తర్, జోయా అక్తర్, షాహిద్ కపూర్ సహా పలువురు తారలు ఓటేశారు. ఈ సందర్భంగా ప్రతి ఒక్కరూ ఓటు వేయాలని అభిమానులకు పిలుపునిచ్చారు.
ఇదిలావుంటే తాజాగా బాలీవుడ్ బాద్షా షారుక్ ఖాన్ కూడా తన తమ ఓటు హక్కును వినియోగించుకున్నారు. ఫ్యామిలీతో కలిసి పోలింగ్ కేంద్రంకు వచ్చిన షారుఖ్ ఓటు వేసిన అనంతరం తన వేలికి ఉన్న ఇంక్ గుర్తును ప్రదర్శించారు. ఈ సందర్భంగా ప్రతి ఒక్కరూ ఓటు వేయాలని ఆయన అభ్యర్థించారు.
Lok Sabha polls: SRK, Gauri cast vote with their children in Mumbai
Read @ANI Story | https://t.co/BflWyXTGL6#shahrukhkhan #Loksabhaelection2024 #Bollywood pic.twitter.com/MDEcgmFs29
— ANI Digital (@ani_digital) May 20, 2024
మరోవైపు భారత క్రికెట్ దిగ్గజం, ఎన్నికల ప్రచారకర్త సచిన్ టెండూల్కర్ (Sachin Tendulkar) సైతం ఓటు వేశారు. ముంబైలోని ఓ పోలింగ్ కేంద్రం వద్ద కుమారుడు అర్జున్ టెండూల్కర్ (Arjun Tendulkar)తో కలిసి ఓటు హక్కు వినియోగించుకున్నారు. ఈ సందర్భంగా ప్రతి ఒక్కరూ ఓటు వేయాలని ఆయన అభ్యర్థించారు.