Rajinikanth : తమిళ సూపర్స్టార్ రజనీకాంత్ శుక్రవారం శ్రీ కేదార్నాథ్, బద్రీనాథ్ ధామ్ను సందర్శించారు. ఏటా హిమాలయాలను సందర్శించే రజనీకాంత్ మరోసారి యాత్ర బాట పట్టారు. అంతకుముందు చెన్నై నుంచి డెహ్రాడూన్కు చేరుకున్న సూపర్ స్టార్ డెహ్రాడూన్ ఎయిర్పోర్ట్లో తన ఆధ్యాత్మిక యాత్ర గురించి మాట్లాడారు.
మనిషి జీవితంలో ఆధ్యాత్మిక యాత్ర చాలా ముఖ్యం. ఏటా నేను హిమాలయాలకు వెళ్తుంటా. వెళ్లిన ప్రతిసారీ కొత్త అనుభూతి కలుగుతుంది. ఈ సారి కూడా కొత్త అనుభవాలు పొందుతానని నేను నమ్ముతున్నాను’ అని రజనీకాంత్ అన్నారు. ప్రపంచమంతటా ఆధ్యాత్మికత భావం అవసరమని ఈ సందర్భంగా సూపర్ స్టార్ అన్నారు.
ఆధ్యాత్మికత అంటే శాంతి, ప్రశాంతత, భగవంతునిపై విశ్వాసమని పేర్కొన్నారు. ఇక సినిమాల విషయానికొస్తే రజనీకాంత్ ప్రస్తుతం కూలీ (Coolie), వెట్టయాన్ (Vettaiyan) చిత్రాల్లో నటిస్తున్నారు. తలైవా 170గా వస్తోన్న వెట్టయాన్ చిత్రానికి జై భీమ్ ఫేం టీజే జ్ఞానవేళ్ (TJ Gnanavel) దర్శకత్వం వహిస్తున్నాడు.
Read More :
Malaika Arora, Arjun Kapoor | బ్రేకప్ చెప్పుకున్న మలైకా అరోరా- అర్జున్ కపూర్.?