Nagarjuna Akkineni | కొన్నిసార్లు మన ప్రమేయం ఏమాత్రం లేకుండా జరిగిన సంఘటనల వల్ల కూడా అపవాదును మూటగట్టుకోవాల్సి వస్తుంది. అగ్ర హీరో నాగార్జునకు ఇటీవల అలాంటి పరిస్థితే ఎదురైంది. కొద్దిరోజుల క్రితం ముంబయి ఎయిర్పోర్ట్లో ఓ దివ్యాంగుడైన అభిమాని నాగార్జునను కలవడానికి ప్రయత్నించగా ఆయన సెక్యూరిటీ గార్డ్ అతన్ని పక్కను తోసివేశారు.
ఈ విషయాన్ని గమనించని నాగార్జున ఎయిర్పోర్ట్ బయటకు వచ్చేశాడు. అయితే అభిమానిని సెక్యూరిటీ గార్డ్ పక్కని తోసివేస్తున్న వీడియోను ఓ వ్యక్తి సోషల్మీడియాలో పోస్ట్ చేయగా అది వైరల్ అయింది. ‘ఇదేనా మానవత్వం’ అనే క్యాప్షన్తో పెట్టిన ఈ వీడియో సోషల్ మీడియాలో వైరల్గా మారింది. పలువురు నెటిజన్లు ఈ సంఘటనపై ఆగ్రహం వ్యక్తం చేశారు. అయితే ఈ ఇన్సిడెంట్ గురించి తెలుసుకున్న నాగార్జున తన సోషల్మీడియా ఖాతా ద్వారా ఆ అభిమానికి క్షమాపణ చెప్పాడు. తనకు తెలియకుండా ఈ సంఘటన జరిగిందని, మరోసారి ఇలాంటివి పునరావృతం కాకుండా చూసుకుంటానని పేర్కొన్నారు.
గురువారం ముంబయి ఎయిర్పోర్ట్లో ఆ అభిమానిని నాగార్జున ప్రత్యేకంగా కలుసుకున్నారు. ఆప్యాయంగా హత్తుకొని ఫొటోలు దిగారు. ప్రస్తుతం ఈ వీడియోను నాగ్ ఫ్యాన్స్ సోషల్మీడియాలో షేర్ చేస్తూ ..ఏమాత్రం భేషజాలు లేని రియల్ హీరో నాగార్జున అంటూ కొనియాడుతున్నారు. దీంతో ఈ వివాదానికి ఫుల్స్టాప్ పడ్డట్లయింది.