Kalki 2898 | ‘కల్కి 2898’ తాజా అప్డేట్లు ఒక్కొక్కటీ విడుదలవుతుంటే.. సినిమాపై అంచనాలు అంతకంతకూ పెరిగిపోతూ ఉన్నాయి. ఇప్పటికే ఇండియన్ సినిమా దశను, దిశను మార్చే సినిమాగా ‘కల్కి 2898’ నిలుస్తుందని పలువురు అభిప్రాయపడుతున్నారు. ప్రభాస్, అమితాబ్, కమల్హాసన్ పోస్టర్లు ఇప్పటికే విడుదలై అభిమానుల్లో ఆసక్తిని రెట్టింపు చేశాయి. రీసెంట్గా ఇందులో ప్రభాస్ నడిపే కారు ‘బుజ్జి’ని కూడా ఓ గ్రాండ్ ఈవెంట్ని నిర్వహించి మరీ మేకర్స్ రివీల్ చేసిన విషయం తెలిసిందే.
ఇప్పుడు తాజాగా దీపికాపదుకోన్ తాలూకా పోస్టర్ని మేకర్స్ విడుదల చేశారు. దీపిక ఎమోషనల్గా కనిపిస్తున్న ఈ పోస్టర్ని ఎక్స్లో పోస్ట్ చేసి, ‘ఒక ఆశ మొదలయ్యేది ఆమెతోనే’ అంటూ ఓ క్యాప్షన్ని పొందుపరిచారు. దీనికితోడు ఈ స్టిల్ నేపథ్యం అంతా విజువల్గా గ్రాండ్ ట్రీట్ ఇచ్చేలా కనిపిస్తున్నది. దీంతో సినిమాపై అంచనాలు మరింత పెరిగాయని చెప్పకతప్పదు. నాగ్అశ్విన్ దర్శకత్వంలో ప్రతిష్టాత్మక వైజయంతీ మూవీస్ పతాకంపై సి.అశ్వనీదత్ నిర్మిస్తున్న ఈ పాన్ ఇండియా చిత్రానికి సంగీతం: సంతోశ్ నారాయణన్. ఈ నెల 27న సినిమా విడుదల కానుంది.