Prabhas | ప్రభాస్ కథానాయకుడిగా మారుతి దర్శకత్వంలో ఓ చిత్రం తెరకెక్కుతున్న విషయం తెలిసిందే. హారర్ కామెడీ కథాంశమిది. ఈ సినిమాలో ప్రభాస్ క్యారెక్టర్ను చాలా ఆసక్తికరంగా డిజైన్ చేశారని తెలుస్తున్నది. భలే భలే మగాడివోయ్, మహానుభావుడు వంటి చిత్రాల్లో మతిమరుపు, అతిశుభ్రత వంటి బలహీనతలను కథానాయకుల పాత్రలకు ఆపాదించి వినోదంతో పాటు ఎమోషన్ను పండించారు దర్శకుడు మారుతి.
తాజా చిత్రంలో కూడా ప్రభాస్ పాత్రకు ఓ బలహీనత ఉంటుందని, ఈ క్రమంలో పండించే వినోదం కడుపుబ్బా నవ్విస్తుందని అంటున్నారు. తాజా సమాచారం ప్రకారం ఈ చిత్రానికి ‘రాయల్’ ‘అంబాసిడర్’ అనే టైటిల్స్ను చిత్రబృందం పరిశీలిస్తున్నట్లుగా తెలిసింది.