ఆమె ఓ తెలివైన కూతురు.. మంచి స్నేహితురాలు.. షరతులు పెట్టని ప్రేమికురాలు.. మార్షల్ ఆర్ట్స్లో ప్రావీణ్యం గల విద్యార్థి.. సమాజాన్ని ప్రభావితం చేయగల అద్భుతమైన రచయిత్రి.. మొత్తంగా మానవత్వం మూర్తీభవించిన స్త్రీ.. ఆమె పేరు ‘శుద్ధి అయోధ్య’. ఆమె 19ఏళ్ల వయసు నుంచి 27ఏళ్ల వయసు వరకూ ఎనిమిదేళ్ల ఆమె ప్రయాణమే ప్రధాన ఇతివృత్తంగా రూపొందుతోన్న భావోద్వేగాల సమాహారం ‘8 వసంతాలు’. ‘మ్యాడ్’ సినిమాతో గుర్తింపు తెచ్చుకున్న అవంతిక సనీల్కుమార్ ప్రధానపాత్రలో రూపొందుతోన్న ఈ చిత్రానికి ఫణీంద్ర నర్సెట్టి దర్శకుడు. ప్రతిష్టాత్మక మైత్రీమూవీమేకర్స్ ఈ సినిమాను నిర్మిస్తుండటం విశేషం. ఈ సినిమా ఫస్ట్లుక్ పోస్టర్ని శుక్రవారం మేకర్స్ విడుదల చేశారు. శుద్ధి అయోధ్యగా అనంతిక గెటప్ని మేకర్స్ రివీల్ చేశారు. కళ్లకు కాటుక, చెవులకు పోగులు, ముక్కుకు రింగుతో.. అందంగా నవ్వుతూ చెమ్మగిల్లిన కళ్లతో అనంతిక ఈ లుక్లో ఆకర్షణీయంగా కనిపిస్తున్నది. సినిమాపై కూడా ఆసక్తిని రెకేత్తించేలా ఈ స్టిల్ ఉందని పలువురి అభిప్రాయపడుతున్నారు. ప్రస్తుతం నిర్మాణంలో ఉన్న ఈ సినిమా త్వరలో విడుదల కానుంది. ఈ చిత్రానికి కెమెరా: విశ్వనాథరెడ్డి, సంగీతం: నరేశ్ కుమారన్, నిర్మాతలు: నవీన్ యర్నేని, వై.రవిశంకర్.