7/G Brindavan Colony | దశాబ్దాల తెలుగు సినీ చరిత్రలో లెక్కలేనన్ని ప్రేమకథల కాన్సెప్ట్తో సినిమాలు వచ్చాయి. అయితే అందులో కొన్ని మాత్రమే ప్రేక్షకుల గుండెల్లో బరువును మిగిల్చాయి. వాటిల్లో ముఖ్యంగా చెప్పుకొనేది 7/G బృందావన్ కాలనీ. రవికృష్ణ హీరోగా సోనియా అగర్వాల్ హీరోయిన్ గా దర్శకుడు సెల్వ రాఘవన్ తెరకెక్కించిన ఈ చిత్రం కోలీవుడ్ కంటే తెలుగులో భారీ హిట్ కొట్టింది. ఇక సినిమా వచ్చి పంతొమ్మిదేళ్లు గడిచినా ఇప్పటికీ టీవీల్లో వస్తుందంటే స్క్రీన్కు అతుక్కుపోతుంటాం. అంతలా చెదరిపోని జ్ఞాపకాలు మిగిల్చింది. అయితే అలాంటి కల్ట్ సినిమా శుక్రవారం రోజు రీ-రిలీజ్ అయ్యింది.
ఇక మొదటి రోజే ఈ సినిమా ఏకంగా రూ. కోటికి పైగా కలెక్షన్లు రాబట్టింది. ఇక రెండో రోజు కూడా ఈ సినిమా మంచి బుకింగ్స్తో నడుస్తుంది. ఇదిలా ఉంటే ఈ సినిమా నుంచి ఒక విషయం బాగా ట్రెండింగ్లో ఉంది. ఈ సినిమాలో మేం వయసుకు వచ్చాం (Mem Vayasuku Vachcham) పాట ఎంత ఫేమసో ప్రత్యేకంగా చెప్పనక్కర్లేదు. అయితే ఈ పాటలో టాలీవుడ్ స్టార్ హీరోయిన్ కాజల్ అగర్వాల్ (Kajal Agarwal) జూనియర్ ఆర్టిస్టుగా డ్యాన్స్ చేసినట్లు వీడియోలు సోషల్ మీడియాలో వైరల్ అవుతున్నాయి. ఇక దీనిపై నెటిజెన్లు స్పందిస్తూ.. ఆమె కాజల్ అని కొందరు అంటుండగా.. మరి కొందరు కాజల్ ఆలా ఉండదు అంటున్నారు. కాగా దీనిపై కాజల్ క్లారిటీ ఇవ్వాల్సి ఉంది.
#KajalAggarwal in #7GBrundavanColony ? pic.twitter.com/hOFOkHweZz
— Movies4u Official (@Movies4u_Officl) September 23, 2023
#KajalAggarwal in #7GBrundavanColony4K 😍😍#7GBrindavanColony pic.twitter.com/aSeRBk0XFg
— Australian Telugu Films (@SrTelugu) September 23, 2023
Kajal Agarwal in #7GBrundavanColony pic.twitter.com/h8r6sDcNMx
— SiD (@wakeupsiduu) September 23, 2023
ఇదిలా ఉండగా.. ఈ సినిమాకు సీక్వెల్ తెరకెక్కబోతున్నట్లు తెలుస్తుంది. సెల్వ రాఘవన్ ఇప్పటికే స్క్రిప్ట్ పనుల్లో మునిగిపోయాడని చెన్నై టాక్. అయితే సీక్వెల్లో హీరోయిన్ ఎవరా అన్నది మిలియన్ డాలర్ల ప్రశ్న. ఇక తొలి పార్టుకు తన సంగీతంతో సినిమాకు ప్రాణం పోసిన యువన్ శంకర్ రాజానే సెకండ్ పార్టుకు కూడా సంగీతం వహించబోతున్నట్లు టాక్.