Union Budget 2025 : నిర్మలమ్మ బడ్జెట్ దేశానికి నూతన దిశా నిర్ధేశం చేసేలా ఉందని యూపీ సీఎం యోగి ఆదిత్యానాథ్ ప్రశంసలు గుప్పించారు. యువతకు లక్షలాది ఉద్యోగాలు సమకూరుతాయని, మధ్యతరగతికి బడ్జెట్లో ప్రకటించిన నూతన ఆదాయ పన్ను రేట్లు స్వాగతించదగినవని ఆయన పేర్కొన్నారు. భారత్ 5 లక్షల డాలర్ల ఎకానమీ దిశగా ఎదిగేందుకు ఈ బడ్జెట్ ఊతం ఇస్తుందని చెప్పారు.
ప్రపంచానికి భారత్ గ్రోత్ ఇంజిన్గా ఎదుగుతున్నదని తెలిపారు. ఈ బడ్జెట్ ప్రగతికాముక బడ్జెట్ అని దీన్ని 140 కోట్ల మంది దేశ ప్రజలకు అంకితం ఇస్తున్నామని అన్నారు. మెరుగైన బడ్జెట్ను ప్రవేశపెట్టినందుకు తాను ప్రధాని మోదీ, ఆర్ధిక మంత్రి నిర్మలా సీతారామన్తో పాటు ఆమె బృందాన్ని అభినందిస్తున్నానని చెప్పారు.
ఇక ప్రస్తుత ఆర్థిక సంవత్సరానికి (Union Budget 2025) సంబంధించిన పూర్తి స్థాయి బడ్జెట్ను కేంద్ర ఆర్థిక మంత్రి నిర్మలా సీతారామన్ మంగళవారం లోక్ సభలో ప్రవేశ పెట్టారు. ఈ ఆర్థిక సంవత్సరంలో మిగిలిన 8 నెలల కాలానికి వార్షిక బడ్జెట్ను ప్రవేశపెట్టారు. సార్వత్రిక ఎన్నికలకు ముందు ఈ ఏడాది ఫిబ్రవరిలో నిర్మలమ్మ తాత్కాలిక బడ్జెట్ ప్రవేశ పెట్టిన విషయం తెలిసిందే. ఇక కేంద్రంలో మరోసారి మోదీ ప్రభుత్వం అధికారంలోకి రావడంతో ఇవాళ ప్రస్తుత ఆర్థిక సంవత్సరానికి సంబంధించి పూర్తి స్థాయి బడ్జెట్ను ప్రవేశపెట్టారు.
Read More :
Mudra loans: ముద్రా రుణాల పరిమితి 20 లక్షలకు పెంపు