Adani Group | (స్పెషల్ టాస్క్ బ్యూరో) హైదరాబాద్, ఆగస్టు 4 (నమస్తే తెలంగాణ): దేశంలో రద్దీగా ఉండే ఎనిమిది ఎయిర్పోర్టులను కేంద్రంలోని బీజేపీ సర్కారు అదానీ గ్రూప్నకు కట్టబెట్టింది. ఎయిర్పోర్ట్ నిర్వహణలో ఎలాంటి అనుభవంలేని కంపెనీలకు డీల్ అప్పగించవద్దంటూ డిపార్ట్మెంట్ ఆఫ్ ఎకనమిక్ ఎఫైర్స్ (డీఈఏ), నీతి ఆయోగ్ చేసిన సూచనలను కూడా పక్కన బెట్టి మరీ ఈ ప్రక్రియకు ఆమోదముద్ర వేసింది. అలా ఎయిర్పోర్టుల నిర్వహణను చేజిక్కించుకొన్న అదానీ గ్రూప్ ఇప్పుడు ప్రయాణికుల నుంచి డబ్బులను యథేచ్ఛగా గుంజుకునే పథకానికి తెరతీసింది.
పెంచేశారిలా..
లక్నో ఇంటర్నేషనల్ ఎయిర్పోర్ట్లో ల్యాండింగ్, పార్కింగ్, యూజర్ డెవలప్మెంట్ చార్జీలను (యూడీఎఫ్) అదానీ గ్రూప్ ఇటీవలే పెంచింది. డొమెస్టిక్ టర్మినల్స్లో గతంలో రూ.163ను యూడీఎఫ్గా వసూలు చేసేవారు. ప్రస్తుతం దీనిని రూ. 750కి పెంచారు. అంటే 360 శాతం పెంచారు. ఇక ఇంటర్నేషనల్ టర్మినల్స్లో యూడీఎఫ్ గతంలో రూ. 475గా ఉంటే ప్రస్తుతం రూ. 1,350కు పెంచారు. అంటే 263 శాతం పెంచినైట్టెంది. వచ్చే మూడేండ్లపాటు ఈ చార్జీలు అమల్లో ఉంటాయని అదానీ గ్రూప్ తాజాగా ప్రకటించింది. తమ నియంత్రణలో ఉన్న మిగతా ఎయిర్పోర్టుల్లో కూడా త్వరలోనే అదానీ గ్రూప్ చార్జీలను పెంచే అవకాశమున్నదని విమానయాన రంగ విశ్లేషకులు అభిప్రాయపడుతున్నారు.
అదానీ గ్రూప్ నియంత్రణలోని ఎనిమిది విమానాశ్రయాలివే…