TVS iQube | ప్రముఖ టూ వీలర్స్ తయారీ సంస్థ టీవీఎస్ మోటార్స్ కంపెనీ తన ఎలక్ట్రిక్ టూ వీలర్స్ ‘ఐ-క్యూబ్’ వేరియంట్లను పునర్వ్యవస్థీకరించింది. కొత్తగా న్యూ ఎంట్రీ లెవల్ వేరియంట్, టాప్ – ఎండ్ వేరియంట్ ‘ఐక్యూబ్’ స్కూటర్లను జత చేసింది. అంటే టీవీఎస్ ఈవీ ‘ఐక్యూబ్’ స్కూటర్లు ఐదు వేరియంట్లలో లభిస్తాయి. ఐక్యూబ్ బేస్ వేరియంట్ రూ.94,999 (ఎక్స్ షోరూమ్) నుంచి ప్రారంభమైతే, టాప్ ట్రిమ్ ఐక్యూబ్ స్కూటర్ ధర రూ.1.85 లక్షలు (ఎక్స్ షోరూమ్) పలుకుతుంది.
కొత్త జత చేర్చిన బేస్ వేరియంట్ ‘ఐ-క్యూబ్’ స్కూటర్.. 2.2 కిలోవాట్ల బ్యాటరీ ప్యాక్తో వస్తోంది. సింగిల్ చార్జింగ్తో 75 కి.మీ దూరం ప్రయాణిస్తుంది. ఈ స్కూటర్ గరిష్ట వేగం కూడా 75 కి.మీ. ఉంటుంది. స్మార్ట్ఫోన్ కనెక్టివిటీతోపాటు 5-అంగుళాల టీఎఫ్టీ డిస్ ప్లే కలిగి ఉంటుంది. ఇక టాప్ ఎండ్ వేరియంట్ 3.4 కిలోవాట్ల బ్యాటరీ ప్యాక్తో వస్తోంది.
టీవీఎస్ మోటార్ కంపెనీ ప్రకటించిన రెండేండ్ల తర్వాత మార్కెట్లోకి ఎంటరైన ‘టీవీఎస్ ఐక్యూబ్ ఎస్టీ’ స్కూటర్ రెండు బ్యాటరీ ప్యాక్లు – 3.4 కిలోవాట్లు, 5.1 కిలోవాట్ల బ్యాటరీ ప్యాక్లతో వస్తోంది. అలెక్సా వాయిస్ అసిస్ట్తోపాటు 7-అంగుళాల డిస్ ప్లే, డిజిటల్ డాక్యుమెంట్ స్టోరేజీ, స్మార్ట్ ఫోన్ల కోసం టీపీఎంఎస్ ఉంటాయి. 3.4 కిలోవాట్ల బ్యాటరీ ప్యాక్ గల టీవీఎస్ ఐక్యూబ్ ఎస్టీ రూ.1.55 లక్షలు (ఎక్స్ షోరూమ్) పలుకుతుంది.
5.1 కిలోవాట్ల బ్యాటరీ ప్యాక్తో ఐక్యూబ్ ఎస్టీ స్కూటర్ సింగిల్ చార్జింగ్ తో 150 కి.మీ దూరం ప్రయాణిస్తుంది. దీని గరిష్ట వేగం గంటకు 82 కి.మీ. దీని ధర రూ.1.85 లక్షలు (ఎక్స్ షోరూమ్) పలుకుతుంది. 2022 జూలై 15కు ముందు ఐక్యూబ్ ఎస్టీ బుక్ చేసుకున్న వారికి ఇంట్రడ్యూసరీ బోనస్ కింద ధర రూ.10 వేలు తగ్గిస్తోంది టీవీఎస్.