RBI | ముంబై, జూన్ 6: ఈసారీ కీలక వడ్డీరేట్లను ఆర్బీఐ యథాతథంగానే ఉంచవచ్చన్న అంచనాలు వినిపిస్తున్నాయి. బుధవారం మొదలైన మూడు రోజుల ఆర్బీఐ ద్వైమాసిక ద్రవ్యపరపతి విధాన సమీక్ష.. శుక్రవారం ముగుస్తున్నది. దీంతో ఉదయం రెపో, రివర్స్ రెపో వడ్డీరేట్లపై ఆర్బీఐ గవర్నర్ శక్తికాంత దాస్ ఓ నిర్ణయాన్ని ప్రకటించనున్నారు.
గత ఏడాది ఫిబ్రవరి నుంచి వడ్డీరేట్ల జోలికి వెళ్లకుండానే ఆర్బీఐ ద్రవ్యసమీక్షలు చేస్తున్న విషయం తెలిసిందే. ఫలితంగా రెపో రేటు 6.5 శాతం వద్దే ఉంటున్నది. దీంతో రుణాలపై వడ్డీరేట్లు తగ్గడం లేదు. ఈఎంఐల భారం కొనసాగుతున్నది. ఈ నేపథ్యంలో ద్రవ్యోల్బణం ఇంకా అధిక స్థాయిల్లోనే ఉన్నందున ఈసారి కూడా వడ్డీరేట్లు తగ్గకపోవచ్చన్న అభిప్రాయాలు వ్యక్తమవుతున్నాయి.