హైదరాబాద్, జూన్ 21: ఫార్మా సర్వీసుల కోసం ప్రత్యేక క్లస్టర్ను ఏర్పాటు చేయాలని రాష్ట్ర ప్రభుత్వానికి ఫార్మా రంగ ప్రతినిధులు సూచించారు. భారత పరిశ్రమల సమాఖ్య(సీఐఐ) ఏర్పాటు చేసిన రౌండ్ టేబుల్ సమావేశంలో ఫార్మా రంగ సంస్థల ప్రతినిధులు పాల్గొన్నారు.
ఈ సందర్భంగా సీఐఐ తెలంగాణ ఫార్మా అండ్ లైఫ్ సెన్సెస్ ప్యానెల్ అండ్ మేనేజింగ్ డైరెక్టర్ కన్వీనర్ శిల్పా రెడ్డి మాట్లాడుతూ..తెలంగాణ రాష్ట్రంలో 800కి పైగా లైఫ్ సెన్సెస్ కంపెనీల విలువ 50 బిలియన్ డాలర్లకు పైగా ఉన్నదని, అలాగే దేశీయ ఫార్మా ఉత్పత్తుల్లో ఇక్కడి నుంచే 40 శాతం ఉత్పత్తి అవుతున్నాయన్నారు. ఇందుకోసం కొత్తగా ప్రత్యేక క్లస్టర్ను ఏర్పాటు చేయాలని సూచించారు.