Tesla : టెస్లా సీఈవో ఎలన్ మస్క్ కంపెనీలో కొలువుల కోతకు తెగబడవచ్చనే వార్తలు ఊపందుకున్నాయి. ట్విట్టర్ను టేకోవర్ చేసిన అనంతరం మైక్రోబ్లాగింగ్ సైట్లో పెద్దసంఖ్యలో ఉద్యోగులపై వేటు వేసిన మస్క్ తాను నిర్వహించే ఇతర కంపెనీల ఉద్యోగులను సాగనంపనున్నారనే వార్తలు పెద్దగా ఎవరినీ ఆశ్చర్యానికి లోను చేయవని టెక్ విశ్లేషకులు చెబుతున్నారు.
కంపెనీ కార్యకలాపాలకు ఏయే జాబ్ రోల్స్ కీలకమనే అంశాలను టెస్లా మదింపు చేస్తుండటంతో భారీ లేఆఫ్స్ తప్పవనే ఆందోళన వ్యక్తమవుతోంది. ప్రతి ఉద్యోగి కంపెనీకి తోడ్పడే తీరుపై మదింపు చేయాలని అమెరికాలో టెస్లా మేనేజర్లను కంపెనీ కోరిందని బ్లూమ్బర్గ్ రిపోర్ట్ పేర్కొంది.
టెస్లా విక్రయాల వృద్ధి మందగించడంతో ఎలన్ మస్క్ కంపెనీలో వ్యయ నియంత్రణ చర్యలపై దృష్టి సారించారని సమాచారం. కఠిన నిబంధనలను పాటించని పక్షంలో వేటు తప్పదని గతంలో ట్విట్టర్ ఉద్యోగులకు అల్టిమేటం జారీ చేసిన మస్క్ ఎలాంటి సంక్లిష్ట నిర్ణయాలు తీసుకోవడంలోనూ రాజీపడరనే పేరుండటంతో టెస్లాలో కొలువుల కోత ఎటు దారితీస్తుందోనని ఉద్యోగుల్లో గుబులు రేగుతోంది.
Read More :