Tata Motors | దేశీయ కార్ల తయారీ సంస్థ టాటా మోటార్స్ వచ్చే నెల ఒకటో తేదీ నుంచి కార్ల ధరలు పెంచుతున్నట్లు ప్రకటించింది. ఎలక్ట్రిక్ కార్లతోపాటు అన్ని రకాల కార్లపై 0.7 శాతం ధరలు పెంచుతున్నట్లు తెలిపింది. ఈ నెల ఒకటో తేదీ నుంచి కమర్షియల్ వాహనాల ధరలు మూడు శాతం పెంచిన సంగతి తెలిసిందే. ఇన్పుట్ కాస్ట్ వ్యయం పెరిగిపోవడంతో కార్ల ధరలు పెంచక తప్పడం లేదని పేర్కొన్నది. ఇంతకుముందు గతేడాది మే ఒకటో తేదీ నుంచి అన్ని కార్ల ధరలు సుమారు 0.6 శాతం పెరిగాయి.
కమొడిటీ ధరలు పెరగడంతోపాటు ద్రవ్యోల్బణంతో కాస్ట్ వత్తిళ్లు పెరగడంతో ఈ నెల 16 నుంచి మారుతి సుజుకి అన్ని మోడల్ కార్ల ధరలు 0.45 శాతం పెంచింది. మహీంద్రా అండ్ మహీంద్రా, హోండా కార్స్ ఇండియా, లగ్జరీ కార్ల తయారీ సంస్థ ఆడి ఇండియా సైతం ఈ నెలలో తమ కార్ల ధరలు పెంచేశాయి. ఆడి కార్ల ధరలు ఈ నెల ఒకటో తేదీ నుంచి రెండు శాతం పెరిగాయి.
ఈవీ కార్లు ఎక్స్సీ 40 రీచార్జి, సీ40 రీచార్జీ మినహా అన్ని కార్లపై రెండుశాతం ధరలు పెంచుతున్నట్లు వోల్వో కార్ ఇండియా ప్రకటించింది. ఎక్స్సీ40 రీచార్జి ధర రూ.57.90 లక్షలు, సీ40 రీచార్జీ మోడల్ కారు ధర రూ.62.95 లక్షలు పలుకుతున్నది. ఐసీఈ మోడల్ కార్లలో ఎక్స్సీ 60 ధర రూ.68.90 లక్షలు, ఎస్90 మోడల్ ధర రూ.68.25 లక్షలు, ఎక్స్సీ90 మోడల్ కారు ధర రూ.1,00,89,000 పలుకుతుంది.