Stock Markets : దేశీయ స్టాక్ మార్కెట్లు (Stock markets) శుక్రవారం భారీ లాభాలతో ముగిశాయి. పార్లమెంట్లో కేంద్రం బడ్జెట్ (Budget) ప్రవేశపెట్టిన నాటి నుంచి వరుసగా మూడు రోజులు నష్టాలు చవిచూసిన స్టాక్ మార్కెట్లు.. ఇవాళ భారీగా లాభాలను ఆర్జించాయి. ఇన్ఫోసిస్, టాటా కన్సల్టెన్సీ సర్వీసెస్, రిలయన్స్ ఇండస్ట్రీస్ లాంటి బ్లూ చిప్ స్టాక్స్ ఇవాళ లాభాలను ఆర్జించడం మార్కెట్లకు కలిసొచ్చింది.
ఇవాళ్టి (శుక్రవారం) ట్రేడింగ్ ముగిసే సమయానికి బాంబే స్టాక్ ఎక్స్ఛేంజ్ (BSE) సూచీ సెన్సెక్స్ (Sensex) 1293 పాయింట్లు లాభపడింది. భారీ లాభాలతో 81,332 పాయింట్ల వద్ద ముగిసింది. మరోవైపు నేషనల్ స్టాక్ ఎక్స్ఛేంజ్ (NSE) సూచీ నిఫ్టీ (Nifty) సైతం భారీ లాభాలను సాధించింది. ఏకంగా 429 పాయింట్ల లాభంతో 24,835 పాయింట్ల వద్ద ముగిసింది.